Istassione ferruviària Rezu Emìlia AB Mediupadana

Custu artìculu est iscritu in sa grafia

logudoresa

. Abbàida sas àteras bariedades gràficas:

S’istassione de Rezu Emìlia AB Mediupadana est un’istassione ferruviària de sa lìnia de arta belotzitade Milanu-Bolonna, de sa cale format s’ùnigu transitadorzu de biazadores intermèdiu. Intre su 2008 e su 2013, s’installadura aiat operadu de puntu de moimentu cun su nùmene de Rezu Emìlia AB.

S’8 de làmpadas de 2013, s’est isvilupada s’inaguradura cun sas autoridades, canto chi sa posta in servìziu currespondidora de s’istassione est acontèssida sa die in fatu. Pro cunseghèntzia, sa numenadura est istada mudada in “Rezu Emìlia AB Mediupadana”.

Su partile est dotadu de duas bias de prioridade cunetadas a sas duas bias de currera printzipales dae desviadorzos cursàbiles a sa belotzitade de 60 km/h.

S’istrutura chi acollozit sos biazadores est istada prozetada dae Santiago Calatrava s’architetu ispannolu e est parte integradora de unu prozetu importante chi modìfigat in manera raighinale totu s’arzola a su nordu de sa bidda e la rennet zanna de atzessu printzipale e prus prestizosa. Paris cun su sistema de pontes a bela chi colat in subra de s’Autocaminu de su Sole, aguarmente prozetados dae s’architetu balentzianu, e su peazu autocaminale nou, format su cumparis nou estètigu e funtzionale de Rezu Emìlia.

Su fraigu est caraterizadu dae unu disinnu futurista chi prebidet sa repetidura, pro bintichimbe bias, de unu mòdulu de longària aguale a 25,40 m., cumpostu dae sa sutzessura de treighi portales diferentes, distanziados intre issos de unu metru pagu prus o mancu. Sa sechèntzia narada, longa grobarmente 483 m., diat zenerare un’efetu de moimentu aguale a su de un’unda dinàmiga. S’artària mèdia est aguale a 20 m.

Su primu prozetu “a bela” orizinale est istadu sustituìdu dae cussu “a unda”, finas pro diferentziare mezus s’òpera dae sos pontes; sende gasi, su prozetu intreu est galu cunnotu cun su nùmene no ufissiale de “Sas belas de Calatrava”.

Siat Trenitalia siat Trasportu Nou Biazadores servent s’istassione Mediupadana peri diferentes relassiones diàrias a mèdiu de trenos de arta belotzitade. In custu modu, est possìbile a nche sizire Milanu in baranta minutos, Bolonna in binti, Frorèntzia in chimbanta, Roma in duas oras e deghe minutos, Nàpule in tres oras e trintachimbe minutos.

S’istassione est probida de un’aparcadorzu intertramunadore ampru e est cunetada dae una transitabilidade caminale fraigada apositivamente chi l’aunit a s’autocaminu A1 serente. A su 2013, s’istassione est cunetada dae sa lìnia automobilenca 5 de AM cun una frechèntzia de trinta minutos. In prus de custu, est prebida sa fraigadura de un’arressada in su caminu de ferru Rezu Emìlia-Guastalla in su cuadru de su potentziamentu de s’arrogu sutaurbanu Rezu-Bagnolo in Piano, cun sa finalidade de creare una relassione ferruviària intre s’istassione in sa lìnia AB/AC e cussa in sa lìnia istòriga.