Istassione ferruviària de Aristanis
S'istassione ferruviària de Aristanis est s'istassione ferruviària printzipale de sa Comuna de Aristanis.
Istòria
[modìfica | modìfica su còdighe de orìgine]Fraigada dae sa Cumpanzia Reale de sos Caminos de Ferru Sardos, s'istutura aiat istranzadu sos primos trenos in su 1872, s'annu de abertura a su tràfigu de su rugru Santu Bèngiu-Aristanis de su caminu de ferru Casteddu-Figari, cumpretadu in su 1883. Dae tando, su transitadorzu, coladu a sos Caminos de Ferru Nassionales in su 1920, est devènnidu unu de sos prus importantes in Sardinna pro nùmeru de biazadores.
Istruturas e imprantos
[modìfica | modìfica su còdighe de orìgine]S'istassione, posta a longu de sa lìnia Casteddu-Figari, est probida de tres bias destinadas a su servìtziu de passizeris, chi duas atuarmente si podent sizire peri unu sutacoladorzu de realizadura reghente. A faca de custas, s'agatant àteras bias de servìtziu, impreadas pro s'istassionamentu de sos rodados, prus sas de su remunidorzu de locumotivas de s'istassione. In prus, bi sunt duas fileras annanghedoras de bias, impreadas pro su servìtziu de mercantzias, chi una est a su suddu de su fraigu de biazadoes e una a s'estu de custu ùrtimu. Aguarmente in custa zona de s'istassione, s'agataiat su gasi naradu isteddu, unu sistema de bias chi permitit s'invertidura de sa deretura de martza de sos rodados, a mèdiu de unu printzìpiu assimizadore a su de su triàngulu de regressu. S'isteddu, paris cun sas bias inghiriadoras, est istadu disativadu e isuladu dae sa retza dae su triulas de 2013.
A unu chilòmetru pagu prus o mancu dae su fraigu de biazadores, s'imbragat finas un'aunidorzu de unos 8 km. chirru a su portu industriale de Aristanis, belle chi non siat galu ativu. S'aunidorzu naradu fiat istadu prozetadu in sos annos setanta de su sègulu barigadu e realizadu in diferentes fases.
S'istassione est crassifigada dae RCFI in sa categoria “Silver”. Pro su chi prendet su moimentu, isse est zestionadu in situ in oràrios determinados, cando custu no acontessit, su cuntrollu de su transitadorzu colat a s'A.TZ.O. de Casteddu.
Tretas
[modìfica | modìfica su còdighe de orìgine]S'istassione, peri sas cumponiduras de Trenitalia, tenet relassiones cun sos transitadorzos de Casteddu, Santu Bèngiu, Macumere, Terranoa, Tàtari e Portu Turre. In prus de custu, in sa pratza de s'istassione est situada un'arressada de s'IRST, chi sos postales aunint su transitadorzu cun àteras zonas de sa bidda e de sa provìntzia.