Istassione ferruviària de Tàtari

S'istassione ferruviària de Tàtari est su transitadorzu de trenos printzipale de sos CFN e de s'IRST in sa comuna de Tàtari.

S'istassione est rugrada dae sas bias de sa lìnia Otieri-Chilivane-Portu Turre de su grupu CFN, in prus de custu est sa conca de sas lìnias de Nugurbi, S'Alighera e Sossu de s'IRST, gasi che de sos trenos turìstigos destinados a Tèmpiu. Dadas sas ispetzifigaduras diferentes de ladària de su materiale de sas duas amministraduras, sunt presentes bias siat de 1435 siat de 950 mm. Sas CFN impreant cun iscrusividade duas bias (sa 2 e sa 4) pro su servìtziu de passizeris, addae de custu bi sunt àteras bias de servìtziu in su chirru uestu de su partile. Sa bia 3, intames, tèrminat truncada in sas duas istremidades de s'apeadorzu de sas bias 2 e 4. Pro su servìtziu suo de passizeris, s'IRST impreat duas bias truncadas chi s'inconcant in su chirru nordu de su fraigu de biazadores, e chi sunt utilizadas pro sos trenos destinados e arribende dae Nugurbi e Sossu.

Sa bia 1 de s'istassione, sa prus a curtzu de su fraigu de biazadores, tenet sa peculiaridade de presentare ladària dupra, su chi nde permitit s'impreu tantu a sos trenos CFN che a sos IRST, in particulare pro su chi pertocat sas relassiones cun S'Alighera. S'istassione est pessonalada pro su bonu de sa die, e cando custu no acontessit est telecuntrollada, a su nessi pro su chi pertocat s'aprofetamentu de sos CFN. A su propòsitu naradu, in custu casu sa prima bia est isulada dae sas àteras de ladària normale, e duncas s'agatat règhida unigamente dae sos sistemas de s'IRST. Sende gasi, cheret postu in craru chi, finas a sos annos otanta de su sègulu coladu, sa bia de ladària dupra fiat sa 2, chi si recunetaiant cun sa filera de ladària minimada rugrende sa bia 1 betza in manera belle perpendigulare.

Ambas amministraduras sunt probidas de unu depòsitu de locumotivas issoro pròpiu (a su suddu de su fraigu de biazadores sos CFN, a unos 800 metros dae s'istassione in sa deretura nordu s'IRST), in prus de custu sos Caminos de Ferru nassionales disponent de un'ischerriadorzu de mercantzias cun filera de bias apositiva annanta. Addae de custu, est disponìbile finas un'aparcadorzu de tràmunu pro automòbiles e bitzicretas.

Cun s'intrada in servìtziu in su 2006 de su metrotrambiu de Tàtari, isse puru zestionadu dae s'IRST, sos trambios AnsaldoBredaSirio pro nche sizire sos remunidorzos de s'impresa, e dae su 2009 sa conca noa de lìnia de Santa Maria de Pisa, trànsitant peri s'istassione impreende sa prus perifèriga de sas bias de ladària minimada a su nordu de su fraigu de biazadores, una bia chi est echipada apositivamente cun una cadenària e cunetada cun s'arressada metrotrambiale probiana de s'istassione.

				Tàtari
Deretura		Istassione anteriore		Caminu de ferru		Istassione posteriora		Deretura
Otieri-Chilivane		Caniga		Otieri Chilivane-Portu Turre  (46+588)		Santa Ursula		Portu Turre
				Tàtari-S'Alighera  (0+000)		Tàtari Santa Maria		S'Alighera Santu Austinu
				Tàtari-Tempiu-Lu Palau  (0+000)		Baddimanna		Lu Palau
				Tàtari-Sòssu  (0+000)		Santa Maria di Pisa		Sòssu