Ku Klux Klan

Artìculu in LSC

Sìmbulu de su KKK

Membros de su KKK ponende fogu a una rughe

Ku Klux Klan (KKK), est su nùmene de tres movimentos iscerados de is Istados Unidos d'Amèrica.

Su primu giogaiat rolu rebestu contra is afro-americanos de su sud in tempus de sa recostrutzione sighida a sa gherra de setzessione, duncas in is annos 60 de su de 19 sèculos. Fiat iscontzadu in su 1869.

Su segundu fiat una organizatzione meda ispainada e manna formada in is annos 20 de su de 20 sèculos.

Atualmente cunsistit de grupos minores ma numerosos no acapiados s'unu a s'àteru chi impitant nùmene de KKK. Sunt caraterizados pro segretesa e costumenes dislindados. Sunt totus votados a sa causa de s'incresiada de sa sotziedade americana e comunemente cunsiderados de bideas polìticas de dereta. In su 2012 si carculat chi nde fatzant parte unu nùmeru de pessones intre is 5.000 e is 8.000.

Su primu Ku Klux Klan s'est mòvidu in is Istados Unidos meridionales a partire de sa fine de is annos 1860 fintzas a primìtziu de is 1870. Is membros faghiant a solos costumenes, medas bortas colorados, cumpostos de una bestimenta, fachile e capeddu a forma de conu, fatu a s'amposta pro pàrrere ispantosos, istremorosos e craramente pro cuare s'identidade.

Su segundu KKK, de is annos 1920, aiat adotadu costumenes pretzisos, de colore biancu, e si serbiat de còdighes de faeddos comente puru su primu Klan. Faghiant paradas e teniant impòsitu de pònnere fogu a rughes de linna.

Su de tres s'est isvilupadu a fatu de sa segunda gherra mundiale e teniat proponimentu de s'opònnere a is movimentos pro is deretos tziviles de is minorias. Custu, comente su segundu KKK, faghiat riferimentu a su sambene anglo-sàssonu chi a pàrrere issoro teniant is americanos de ratza ischeta. Mancari gasi totu is membros si decraraiant cristianos devotos, si podet nàrrere chi totu is organizatziones religiosas fiant contràrias a issos.