Lady Oscar

Dae Wikipedia, s'entziclopedia lìbera.


Articulu in nugoresu

Lady Oscar o Sa Rosa de Versailles (giapponesu: ベルサイユのばら Berusaiyu no Bara) est unu de sos shōjo-manga prus connòttos e unu franchise chi at imbentàu Riyoko Ikeda. Lu an adattàu a parìtzos Takarazuka Revue musical e fìntzas anime, chi at fattu Tokyo Movie Shinsha e prubicàu sos network televisivos Animax e Nippon Television. S'anime est populare meda in Italia.

Lady Oscar zìrat in tundu a s'istoria de Oscar François de Jarjayes, una pitzìnna nàschia fèmina ma pàschia comènte un'òmine pro sutzèder a babbu suo in su traballu de bardiànu de su Palattu Reale. Una gherradòra bravissima chin ideas firmas de zustìssia, Oscar si intèndet fiera e altiva pro su rolu chi li tòcat a fàcher, ma est in dùda cando, a su cumìntzu de sa revolutzione frantzesa, dèpet isseperàre cale ala picàre tra sa classe reale e tra cussa povera e opprimìa dae sa prima. Est de impòrtu mannu fìntzas su disìzu de torràre a si cumportàre che-i una femina, chi dèpet cubàre pro su traballu suo, e sas fattìas amorosas chin Marie Antoinette, Count Axel von Fersen, e su serbidòre e menzus amicu André Grandier.

Tènet elementos de casta yuri in sa relassiòne tra Oscar e sa protètta sua Rosalie Lamorlière, sa fìza de Madame de Polignac, chi s'istima sua pro Oscar si podet pessàre comènte adòru o amore romanticu benìnde dae una possìbile bisessualidade. Comènte chi non fit bastànte, medas in sa corte puru adòran a Oscar, diventànde zelosos abberu cando issa est in cumpanzìa de un'attera pessòne.