Letera

Dae Wikipedia, s'entziclopedia lìbera.

Ozieri-Stemma.png
Articulu in logudoresu
Ozieri-Stemma.png

Sa letera o àndia est unu traste de primu azutòriu impreadu pro trasportare passientes intro e foras de sos ispidales.

Sa letera est avesarmente zuta dae duas pessones, una in sa conca e una in sos pees de su passiente, e est impèllida in manera chi su passiente podat bider a ue est trasportadu.

Esistint diferentes tipos e modellos de leteras. Probida fitianu de rodas e corrias pro immobilizare su passiente, est impreada in sas ambulàntzias pro b'arrambare sos fertos e possibilitare su trasportu issoro dae su logu de s'intzidente a su beìculu de azutòriu e, finarmente, a su logu de tratamentu.

Istòria[modìfica | edit source]

Sas leteras sunt istadas impreadas zai dae s'antigòriu, mescamente in sos campos de batalla e in sas situassiones in ue sos beìculos de azutòriu fiant imbarados dae sas cundissiones puriosas de su terrinu. Sa forma prus sintzilla cunsistit in unu telu a ue s'arrambat su passiente, e duas pèrtigas longas chi sunt agarradas dae sos letereris, ch'in custu casu fitianu sunt prus de duos. Si su trasportu cun custa letera sintzilla est realizadu dae duos azutoriadores ebia, issos podent impreare corrias chi repartzant s'isfortzu a su dossu in prus de sos bratzos.

Notas legales[modìfica | edit source]

Una letera devet poder esser impreada a sa sola o in cumbinadura cun unu carritu de suportu solidanu o separàbile. Issa devet esser prozetada in modu chi su pesu suo e de su passiente siat pesadu/batidu dae su pessonale incarrigadu petzi pro unu tempus mìnimu. In prus de custu, devet esser prozetada in manera ch'in tempus de su carrigamentu e s'iscarrigamentu, su pesu màssimu chi tantat in onzi membru de su pessonale incarrigadu resurtet esser sa metade de su pesu totale de su passiente prus sa letera, e siat limitadu a su tempus mìnimu possìbile, in posissione ergonòmiga otimale, in modu a minimare su prus chi si podat su pinnigamentu de su dossu.