Limba pluritzentrica

Dae Wikipedia, s'entziclopedia lìbera.


Articulu in nugoresu

Una limba pluritzèntrica est una limba chi tenet parìtzos istandard differentes. Est una limba, comente narat su lùmene, chin tzèntros medas, e cadaunu tenet assumancu carchi norma codificada a contu propriu. Generalmente, sas limbas pluritzentricas si imprèan che istrumentu politicu finas pro pònner làcanas a sos territorios, de manera chi su cuntzettu de "identidade natzionale" non si podat pònner a pàre chin su limbazu de sinzos suo. Pro facher carchi esempiu, si dìat pòder nàrrer chi s'inglesu, su frantzesu, su tedescu, su coreanu, su serbu-croatu, su Swahili, s'isvedesu, s'ispagnolu, s'arabu, s'armenu, su Bengali, su Hindi-Urdu, su Malay, su tzinesu e goi sichinde, sian limbas pluritzentricas.

A s'imbèsse, cada limba chi tenet unu istandard ebìa si narat monotzèntrica; sun limbas monotzentricas, pro esempiu, su russu, su giapponesu e s'islandesu.