Luciano Vendemini

Dae Wikipedia, s'entziclopedia lìbera.

Luciano Vendemini (Sant'Arcangelo di Romagna (Rìmini), 11 triulas 1952 – Forilì, 20 frearzu 1977) est istadu unu canastrista italianu.

Carrera[modìfica | modìfica su còdighe de orìgine]

Orizinale de Santu Ermete, unu trighinzu de Sant'Arcangelo di Romagna, Vendemini fiat istadu tramudadu a zòvanu a sa Pallacanestro Cantù, zoghende finas in s'echipa regulare a pustis de un'imprèstidu a sa Saclà Asti in sa Sèrie B. In su 1973, fiat istadu contratadu dae sa Sebastiani Reti pro sa summa de 100 milliones de francos betzos, retzende in su matessi annu finas sa prima cumbocadura a s'internassionale italiana. In Reti fiat arreadu pro tres istajones, finas a cando fiat coladu a s'Auxilium Turinu.

Fiat mortu istuturadu dae unu malistare repente in su Palasport Villa Romiti de Forilì pretzisamente in tempus de s'antiscaentamentu de sa partida intre s'echipa logale e sa turinesa.

A dies de oe, zughet su nùmene suo su Palasport Flaminio de Rìmini. S'istrutura fiat istada inagurada in su 1.977 pretzisamente cun un'amigàbile disputada intre sa Sarila Rìmini e sa ChinaMartini Turinu in memòria de Vendemini.