Mèdia (fonètica)

Artìculu in LSC

In linguìstica istòrica si definiant mèdias sas oclusivas sonoras no aspiradas de su gregu, de su sànscritu e de su protoindoeuropeu. In s'ambiente germanòfonu e in sas grammàticas normativas de su gregu clàssicu resistit galu custa terminologia.

Issas sunt: [b], [d], [g] (indoeuropeu fintzas [gʷ])

Si contraponent a sas dèbiles (oclusivas surdas) e -in ue bi siat custu de tres modos de articulatzione- a sas aspiradas (mèdias aspiradas in sànscritu, dèbiles aspiradas in gregu).

Sas mèdias sunt cunservadas comente a oclusivas sonoras in belle totus sas limbas indoeuropeas. In sas limbas germànicas, de sighida a sa lege de Grimm si trasformant in dèbiles.