Mahmood

Dae Wikipedia, s'entziclopedia lìbera.
Jump to navigation Jump to search
Custu artìculu est iscritu cun sa grafia Flag of Sardinia, Italy.svgLimba Sarda ComunaFlag of Sardinia, Italy.svg. Abbàida sas àteras bariedades gràficas:

campidanesu · logudoresu · nugoresu

Mahmood
Mahmood 2.jpg
Mahmood in su 2019
Informatziones
Nùmene de nàschida Alessandro Mahmoud
Nàschidu su 12 de cabudanni de su 1992
MIlanu, Lombardia, Itàlia
Gènere musicale Contemporary R&B[1]
Pop rap[2]
Moroccan pop[3]
Ocupatziones cantante
Annos de atividade 2012 - oe
Giassu http://mahmood.it/

Mahmood, pseudònimu de Alessandro Mahmoud (Milanu, 12 de cabudanni de su 1992), est unu cantautore italianu, nòdidu pro àere bintu su Fèstival de Sanremo 2019 cun su branu Soldi, cun su cale at a rapresentare s'Itàlia in s'Eurovision Song Contest 2019.

Si definit unu cantante "Moroccan pop".[4][5]

Biografia[modìfica | modìfica su còdighe de orìgine]

Nàschidu in Milanu in su 1992 dae una mama sarda e unu babbu egitzianu,[6] creschet in su bighinadu perifèricu de su Gratosoglio[7], incumentzende a istudiare cantu finas dae minore.[8][9] Durante sa pitzinnia sua sos genitores si separant, e Mahmood creschet cun sa mama, fintzas si corfidu dae s'abbandonu de su babbu, cun su cale non tenet prus raportos.[10][5]

Nointames sas orìgines paternas, Mahmood non faeddat àrabu, ma faeddat fluentemente su sardu oroseinu[5][10] pro more de sas orìgines maternas, e est meda ligadu a sa cultura e a su folclore de sa Sardigna. Cunsìderat s'ìsula sa segunda domo sua e fonte de ispiratzione pro sa cumpositzione de sos branos.[5]

2012-2016: Sas primas esperièntzias televisivas[modìfica | modìfica su còdighe de orìgine]

In su 2012 partètzipat a sa de ses editziones de su talent show X Factor in sa categoria Under Uomini capitanada dae Simona Ventura. A s'incumintzu benit bogadu a foras dae sa Ventura in sos Homevisit[11], torrat a intrare gràtzias a su televotu e a sa fine benit eliminadu in su cursu de sa tertza puntada.[12] A pustis de s'esperièntzia televisiva incumintzat a iscrìere e a prodùere branos suos.[8]

In su 2015 leat parte a su cuncursu canoru Area Sanremo agiudichende·si su primu postu e su deretu de partetzipare a su Festival di Sanremo 2016 in sa setzione "Propostas Noas". In su 2016, partètzipat a Sanremo e si classìficat in su de bator logos cun su petzu Dimentica.[8]

2017: Pesos e sas collaboratziones[modìfica | modìfica su còdighe de orìgine]

In su 2017 pùblicat su sìngulu Pesos, cun su cale partètzipat a sa de chimbe editziones de su Summer Festival, binchende sa gara intre sos artistas de sa setzione Giovani chi si sunt ammustrados in sa segunda puntada. In su matessi tempus acumprit fintzas sa faina de autore pro àteros artistas, partetzipende a sa cumpositzione de branos comente a Nero Bali de Elodie cun Michele Bravi e Gué Pequeno, tzertificadu discu de plàtinu, Hola (I Say) de Marco Mengoni feat. Tom Walker[13], e collàborat cun Fabri Fibra iscriende e duetende cun issu in sa cantzone Luna.[14]

2018-oe: Sanremo e s'album de inèditos[modìfica | modìfica su còdighe de orìgine]

Mahmood cun su "Leone de Sanremo" bintu in su Festival di Sanremo de su 2019

In su cabudanni de su 2018 benit publicadu su primu EP suo Gioventù bruciata, a s'internu de su cale b'est su sìngulu Uramaki, cun su cale partètzipat a su cuncursu web Italian Music Festival 15, binchende su primu prèmiu.[15] In su nadale de su matessi annu est unu de sos duos binchidores de Sanremo Giovani 2018 cun su branu omònimu. Custa vitòria li cuntzedet su deretu de leare parte a su Fèstival de Sanremo de su 2019 cun su branu Soldi, iscritu dae issu in paris cun Dardust e Charlie Charles.[16]

Su 1u de freàrgiu de su 2019 Mahmood faghet, a pustis de una sèrie de esperièntzias minores a livellu locale, su primu cuntzertu ufitziale suo in unu tzìrculu privadu de Milanu, in ue presentat carchi inèditu suo, intre sos cales Sabbie mobili e Nilo nel naviglio.[17][18]Durante sa note de su 9 de freàrgiu de su 2019, Mahmood benit decraradu binchidore de sa 69ª editzione de su Fèstival de Sanremo, superende in su pòdiu Ultimo e il Volo.[19]

In ocasione de sa finale benit annuntziada sa partetzipatzione sua a sa sèrie de cuntzertos chi at a batire sos ses finalistas de Sanremo Giovani in giru pro su mundu. In calidade de intèrprete de sa cantzone binchidora de su Fèstival, est istadu automaticamente designadu comente a rapresentante de s'Itàlia in s'Eurovision Song Contest 2019 in Tel Aviv, diveninde su primu artista milanesu a rapresentare s'istadu.[20] Mahmood s'at a ammustrare cun sa cantzone Soldi, mantenende su testu originale in italianu.[21]

Benit annuntziada s'essida de su primu album de inèditos suo, intituladu Gioventù bruciata, pro su 1u de martzu de su 2019.[22]

Discografia[modìfica | modìfica su còdighe de orìgine]

Album in istùdiu[modìfica | modìfica su còdighe de orìgine]

  • 2019 – Gioventù bruciata

EP[modìfica | modìfica su còdighe de orìgine]

  • 2018 – Gioventù bruciata
  • 2019 – Gioventù bruciata EP (editzione noa de Sanremo)

Sìngulos[modìfica | modìfica su còdighe de orìgine]

  • 2016 – Dimentica
  • 2017 – Pesos
  • 2018 – Uramaki
  • 2018 – Milano Good Vibes
  • 2018 – Gioventù bruciata
  • 2019 – Soldi

Collaboratziones[modìfica | modìfica su còdighe de orìgine]

  • 2017 – Luna cun Fabri Fibra
  • 2017 – Presi male cun Michele Bravi
  • 2018 – Doppio whisky cun Gué Pequeno

Reconnoschimentos[modìfica | modìfica su còdighe de orìgine]

  • Italian Music Festival 15
    • Binchidore de su web contest musicale cun su branu Uramaki[15]
  • Sanremo Giovani 2018
    • Binchidore de sa segunda serada, cun su branu Gioventude brusiada
    • Prèmiu de sa Crìtica "Mia Martini", cun su branu Gioventù bruciata
  • Festival di Sanremo 2019
    • Binchidore de su 69º Fèstival de Sanremo, cun su branu Soldi[23]
    • Prèmiu Enzo Jannacci a sa mègius interpretatzione, cun su branu Soldi[24]
    • Prèmiu Baglioni d'oro a sa mègius cantzone botada dae sos artistas in gara (Dopofestival) cun su branu Soldi

Notas[modìfica | modìfica su còdighe de orìgine]

  1. Dai circoli di Milano al Festival di Sanremo: chi è Mahmood, uno dei 24 cantanti in gara, in Fanpage. URL consultadu su 5 freàrgiu 2019.
  2. Chi è Mahmood, che ha vinto il Festival di Sanremo, in il Post, 10 freàrgiu 2019. URL consultadu su 10 freàrgiu 2019.
  3. Mahmood: Vi Piace "cantautore Moroccan Pop"?, in Vanity Fair. URL consultadu s'11 freàrgiu 2019.
  4. (IT) Mahmood: «Vi piace cantautore Moroccan pop?», in VanityFair.it, 1º freàrgiu 2019. URL consultadu s'11 freàrgiu 2019.
  5. 5.0 5.1 5.2 5.3 Mahmood: «Soldi? Un tema forte in linea con Gioventù bruciata» - Il Giornale di Brescia, in giornaledibrescia.it.
  6. Chi è Mahmood, il rapper italo-egiziano che ha vinto due volte Sanremo, in Repubblica.it, 10 freàrgiu 2019. URL consultadu su 10 freàrgiu 2019.
  7. Chiara Longo, Ai quattro angoli del mondo con Mahmood, in rockit.it, 24 cabudanni 2018. URL consultadu su 10 freàrgiu 2019.
  8. 8.0 8.1 8.2 Andrea Sanna, Chi è Mahmood? Vita privata e instagram del vincitore di Sanremo Giovani, in Novella 2000, 5 freàrgiu 2019. URL consultadu su 7 freàrgiu 2019.
  9. Cecilia Fontanesi, Orosei trattiene il respiro per Mahmood - Tempo Libero, in la Nuova Sardegna, 3 freàrgiu 2019. URL consultadu su 7 freàrgiu 2019.
  10. 10.0 10.1 (IT) Mahmood: "Quel padre scomparso e la Sardegna, fonte della mia ispirazione" IL VIDEO - Spettacoli, in L'Unione Sarda.it, 7 freàrgiu 2019. URL consultadu s'11 freàrgiu 2019.
  11. X Factor (sesta edizione), in Wikipedia, 21 ghennàrgiu 2019. URL consultadu su 9 freàrgiu 2019.
  12. X Factor (sesta edizione), in Wikipedia, 21 ghennàrgiu 2019. URL consultadu su 9 freàrgiu 2019.
  13. Il significato di “Hola (I Say)” il nuovo singolo di Marco Mengoni con Tom Walker, in FanPage. URL consultadu su 5 freàrgiu 2019.
  14. Fabri Fibra ha pubblicato un nuovo brano: ascolta ‘Luna' feat. Mahmood, Rolling Stone Italia, 22 làmpadas 2017. URL consultadu su 24 trìulas 2017.
  15. 15.0 15.1 MAHMOOD vince l’ITALIAN MUSIC FESTIVAL 15 con URAMAKI: le dichiarazioni del vincitore, in blmagazine.it. URL consultadu su 28 santugaine 2018.
  16. MAHMOOD, in Rolling Stone. URL consultadu su 5 freàrgiu 2019.
  17. Il primo vero concerto di Mahmood - ONSTAGE, in onstageweb.com.
  18. Mahmood: Prima di Sanremo - 2Righe, in 2duerighe.com.
  19. La Repubblica «Sanremo, il vincitore è Mahmood. Ultimo è secondo, terzo classificato Il Volo». , 10 freàrgiu 2019.
  20. «Mahmood rappresenterà l’Italia all’Eurovision Song Contest 2019!». , 10 freàrgiu 2019 (consultadu in data 10 freàrgiu 2019).
  21. Sanremo 2019 winner Mahmood to represent Italy in Tel Aviv!, in eurovision.tv. URL consultadu s'11 freàrgiu 2019.
  22. Sanremo 2019: Il melting pot di Mahmood, in Talassa Magazine. URL consultadu su 7 freàrgiu 2019.
  23. Chi è Mahmood, il vincitore del Festival di Sanremo 2019 - VIDEOINTERVISTA, in rockol.it. URL consultadu su 10 freàrgiu 2019.
  24. Sanremo 2019, il Premio Enzo Jannacci assegnato da NUOVOIMAIE a Mahmood, in rockol.it. URL consultadu su 10 freàrgiu 2019.

Àteros progetos[modìfica | modìfica su còdighe de orìgine]

Ligàmenes esternos[modìfica | modìfica su còdighe de orìgine]

Controllu de autoridadeVIAF (EN5970155044832672520008 · GND (DE117756520X