YouTube

Dae Wikipedia, s'entziclopedia lìbera.
Jump to navigation Jump to search

Ozieri-Stemma.png
Articulu in logudoresu
Ozieri-Stemma.png

Logo de YouTube.

YouTube est unu zassu web pro cumpartire videos chi tenet sea in San Bruno, California. Su servitziu lu an imbentadu tres ex-impiegados de PayPal in su mese de fearzu de su 2005 e lu mantenet Google dae tardu 2006. Su zassu permittit de ponner, abbaidare e cumpartire videos, e faghet impreu de sas tecnologias Adobe Flash Video and HTML5 pro fagher bider una variedade manna de videos chi sos usuarios che ponen in intro. Su chi bi at sun pelliculeddas minores (video clips), videos in ue si ascurtat musica, videos de blog e atteros de educatzione.

Su prus de su chi bi at in YouTube est de persones singulas, ma bi at fintzas su contributu de siendas comente sa CBS, BBC, Vevo e Hulu a ammustrare unu pagu de materiale issoro pro mediu de su canale Youtube, gratzias a su programma de partnership. Zente chi no est rezistrada podet puru abbaidare videos, ma cussos chi lu sun nche poden ponner una cantitade manna. Tottus sas pelliculas chi sa comunidade diat poder cunsiderare comente offensivas o inzulzadoras sun pro sa zente chi est rezistrada e tenet nessi 18 annos ebbìa.

Youtube, LLC si lu at comporadu Google pro unu miliardu e 65 miliones de dollaros in su mese de Sant'Andria de su 2006 e commo est parte de su servitziu chi Google ponet a disposta de su publicu.