Mamuthone

Dae Wikipedia, s'entziclopedia lìbera.
Jump to navigation Jump to search

Nùgoro-Istemma.png
Articulu in nugoresu
Nùgoro-Istemma.png

Unu mamuthone e, a costàzu suo, unu issohadore.

Su mamuthone, paris chin s'issohadore, est una carratza caratteristica de su carrasecàre mamujadìnu in Sardigna. Sa cròpa si distinghet pro bestimènta e pro sa manera chi si mòghen in sa protzessione: sos mamuthones b'andan faticàos e in silentziu, mentras chi sos issohadores si bestin a colores meda "alluttos" e dàen bida e movimentu a sa festa.

Istòria[modìfica | modìfica su còdighe de orìgine]

S'orizine de sos mamuthones abbarrat in mistèriu. Sicund'a Marcello Madau, archeologu de s'Accademia tataresa de Bellas Artes, nos mancan iscrittos chi facan a testimonia de sa presentzia issoro in tempos a nois attèsu. Wagner no nde faveddat e in su 1928 su Touring Club descrivet petzi su focu de Sant'Antoni. Sicund'a su matessi istudiu, a dontzi modu, carchi testimonia orale narat chi sos Mamuthones ja esistìan in su seculu de XIX. Carchidunu affirmat imbetzes chi sa protzessione benzat a nois dae s'edade nuraghèsa, pro adorare sos animales, pro parare fronte a sos ispiritos malos o pro si augurare de facher regorta bona. In mesu a sas teorias, bi nd'at puru una nande chi fit pro tzelebrare sa bìnchida de sos pastores muntagninos contr'a sos invasores saracenos, fattos a presoneri, oppuru pro adorare carchi deus nuraghesu de massajos e pastores, o galu che ritualidade totemica pro ammasedare su boe. Carchi istudiosu affirmat chi b'at unu ligàmine istrìntu chin sos ritos dionisiacos, e atteros naran chi nono ponende sa festa tra sas protzessiones chi tzelebran su passàzu de sas istajones.