Maria Giacobbe

Articulu in logudoresu

Maria Giacobbe (Nugoro, 14 de aùstu 1928 – Copenaghen, 27 de bennàlzu 2024) est istada una iscritora sarda.

Sa tumba de Maria Giacobbes in su campusantu de Holmen in Copenaghen.

Dae su 1958 istat in Copenaghen. Maria iscriet in italianu e in danesu. At retzidu reconnoschimentos medas pro s'òpera sua de difusione de sa curtura italiana in Danimarca e de sa curtura danesa in Itàlia. Dae sos annos 1970 paritzos libros suos sunt istados pubricados in antis in Danimarca e a pustis in Itàlia. At publicadu treighi libros, contende sos romanzos, sas regortas de contos e chimbe antolozias de lìricas.

Cun su primu libru suo, Diario di una maestrina, pubricadu in su 1957, at bìnchidu su Prèmiu Viareggio-Òpera primma e sa Prama de Oro de s'Unione Donne italiane a pustis, e est istadu bortadu in prus de bìndighi limbas. In Piccole cronache (1961) at contadu sos drammas de sa bida familiare cando, in su 1937, su babu, s'inzenieri Dino Giacobbe est espatriadu in manera clandestina pro andare a cumbatere in defensa de sa Repùblica Ispannola, sas lìteras suas de cussa època sunt istadas pubricadas dae sas fizas Maria e Simonetta e dae su nebode Thomas Harder). In su 1975 at pubricadu Le radici, ammentos de sa Nùgoro de sos zajos chi torrat finas in Maschere e angeli nudi (2000). Dae su romanzu Gli arcipelaghi (1995), prèmiu ispetziale de sa zuria in su Prèmiu "Giuseppe Dessì", su rezista Giuanne Columbu nd'at fattu, in su 2000, una pelìcula.

At finas collaboradu a revistas de importu, danesas e italianas ("Il Mondo" de Pannunzio) e at bìnchidu in su 1978 su Prèmiu Igrèsias de giornalismu.

Fiat presidente de su Comitadu de sos Iscritores danesos pro sa defensa de sa libertade de espressione e membru fundadore de su Comitadu pro sa coesistèntzia israelo-palestinesa.

Òperas

• Diario di una maestrina, Laterza, Milano, 1957
• Piccole cronache, Laterza, Bari, 1961
• Lærerinde på Sardinien, 1961
• Male kronike, Mladinska knjiga, Ljubljana, 1963
• Afrejsen, 1965
• Il mare, Vallecchi, Firenze 1967
• Havet, 1967
• Eurydike, Gyldendal, Copenaghen, 1970
• Dagbog mellem to verdener, 1975
• Stemmer og breve fra den europæiske provins, Gyldendal, Copenaghen, 1978
• Le radici, Edizioni della Torre, Cagliari, 1977; 1979; 1996; Il Maestrale, Nuoro, 2005
• De fire læretider, 1981
• Den blinde fra Smyrna, 1982
• Den dag vi vågner, 1983
• Kald det så bare kærlighed, Gyldendal, Copenaghen, 1986
• Ariadnes døtre, 1987
• Drengene fra sejlbåden, 1989
• Sardinien, 1991
• Øen, 1992
• Masker og nøgne engle, 1994
• Gli arcipelaghi, Biblioteca del Vascello, Roma, 1995 e Il Maestrale, Nuoro, 2001.
• Maschere e angeli nudi: ritratto d’infanzia, Il Maestrale, Nuoro, 1999.
• Rejsebilleder Persien/Iran, 1999
• Eksil og adskillelse, 2001
• Scenari d'esilio. Quindici parabole, Il Maestrale, Nuoro, 2003
• Pòju Luàdu, Nuoro, Il Maestrale, 2005
• Folk fra Pòju Luàdu, 2006
• Chiamalo pure amore, Il Maestrale, Nuoro, 2008
• Euridice, Il Maestrale, Nuoro 2011

Saggios

• Poesia moderna danese, Milano, Edizioni di Comunità, 1971
• Grazia Deledda. Introduzione alla Sardegna, Milano, Bompiani, 1973; 1974
• Giovani poeti danesi, Torino, Einaudi, 1979
• Lærerinde på Sardinien, s.l., Gyldendal, 1979