Maria Luisa Busi
Maria Luisa Busi (Milanu, 24 de martzu de su 1964) est una ziornalista, presentadora e narradora telebisenca, gasi che un'iscritora italiana.
Biografia
[modìfica | modìfica su còdighe de orìgine]Nàschida in Milanu, peroe crèschida in Casteddu (fiat arribada a sa Rai a pustis de traballare pro s'emissora sarda Videolina), est ziornalista, imbiada ispetziale e narradora de su Td1 de sas otu de sero, gasi etotu che redatadora cabu tzentrale de s'ufìssiu redale “Ispetziales” de su Td1. Cun sas relatas suas, at contadu sa realidade de sas presones italianas, sa cundissione de sos malaidos cherveddales, sas iscravuras migratòrias noas, sas poberesas noas e antigas. Est sindigalista, cussizera nassionale de sa Federadura Nassionale de s'Imprenta Italiana (FNII). Est cojuada dae su 24 de làmpadas de 2.004 cun Riccardo Chartroux su ziornalista de su Td3 e tenet duas fizas, Beatrice nàschida in su 2.003 e Luce nàschida in su 2.006. In su 1.998, at interpretadu sese etotu in sa pellìgula “Urogallu” cun Carlo Verdone.
In su santandria de 2.010, nch'est essidu su primu libru suo “Noas malas”, in ue faeddat de s'isperièntzia sua in sa Rai e de comente siat mudada sa manera de pratigare su ziornalismu, discuidende sos probremas de sa zente e faghende-si semper prus posturadu dae su puntu de bista polìtigu. In su libru, in mesu de s'àteru, contat comente Silvio Berlusconi in su 1.992, in tempus de un'interbista pro un'oferta de traballu paris cun Gianni Letta, l'aiat narada “unu buconeddu bonu”.