Matteu apòstulu evangelista

Dae Wikipedia, s'entziclopedia lìbera.


Articulu in logudoresu

'Matteu, santu, unu de sos doighis discipulos de Cristos. Est connoschidu puru cun d'un ateru nomene, Levi. Faghiat s'esattore de sas tassas, e Gesus l'at giamadu a lu sighire. Matteu ada iscrittu unu vangelu de 28 capitulos, e tenet presente in particulare sos ebreos. In custu vangelu sunu in evidentzia chimbe discursos inue sunu regoltos sos insegnamentos de Cristos. In custos discursos tzelebres sunu “su discursu de sa montagna” “sas beatitudines” “ su discursu de su giuditziu finale”. Santu Matteu e su vangelu sou ada ispiradu s'arte: tzelebre sa pintura de Caravaggio, Sa giamada de Matteu, in sa sa Creja de Santu Luisi de sos Frantzesos a Roma. Johan Sebastian Bach ada postu in musica “Sa Passione segundu Matteu” (1729), Pier Paolo Pasolini ada giradu unu film “Il Vangelo secondo Matteo”(1964).