Meridiana Fly

Dae Wikipedia, s'entziclopedia lìbera.
Jump to navigation Jump to search
Meridiana Fly EI-DEY in Barcelona (Catalonia).jpg

Meridiana Fly S.p.A. fiat una cumpanzia abiàtiga italiana ativa in su trasportu abiàtigu de lìnia e nolitadu nassionale e internassionale. Sa sea e sa base de armamentu s’agatant inche s’abioportu de Terranoa-Costera Ismerarda, cando chi bases operativas sunt ubigadas in Milanu Malpensa, Berona e Casteddu.

In su 2011, ant tancadu sa base de Frorèntzia, in ue Meridiana fiat istada pionera in sas operaduras de bolu de lìnia cun aparèchios a zetu dae s’abioportu minore de sa tzidade tuscana.

Meridiana Fly bogat s’orìzine sua dae Alisarda, fundada su 29 de martzu de 1963 in Terranoa dae Karim al-Husayni, cunnotu mezus comente Imamu Aga Khan IV. Nàschida cun s’intentu de favorizare s’isvilupu de sa Costera Ismerarda, aiat cumintzadu sas operaduras de abiotaxi s’1 de abrile de 1964 inche s’abioportu de Venafiorita, una fasca de terra a su suddu de Terranoa, cun duos bimotores a pistones Beechcraft Queen Air de otu seidorzos onzi unu. In su primu annu de atividade, sos passizeris trasportados fiant istados 186. In su 1966, primu annu de atividade comente trasportadore de lìnia, fiant istados realizados in s’ùnigu trazetu autorizadu, o siat su Terranoa-Roma-Terranoa, 662 bolos cumertziales pro 957 oras boladas grobales, e fiant istados trasportados 5.640 passizeris.

In su 2018 Meridiana at cambiadu nùmene in Air Italy, sotziedade chi giai aiat comporadu, diventende sa sigunda cumpanzia aerea italiana.