Murta (licòre)

Dae Wikipedia, s'entziclopedia lìbera.

Ozieri-Stemma.png
Articulu in logudoresu
Ozieri-Stemma.png

Un'ampulla de licore de murta fatu in domo, cun tantu de tassa.

Su licore de murta benit dae una traditzione populare sarda antiga meda; nànchi sos bandidos de sa Gallura, andendesìche in Cossiga po chircare unu pagu de ricòveru, aian batidu sa traditzione de custu licore puru in cussa ìsula, in ue si faghet ei su numen est su matessi. A propòsitu, s'ufitziale chi li at dadu sa Regione Autònoma de sa Sardigna est "Mirto di Sardegna". Bi at duas variedades: sa ruja e sa bianca (s'una fata cun su frutu, s'atera cun sas fozas).

Produtzione[modìfica | edit source]

Bi cheret unu litru de àlcolo, unu e setantachimbe de abba (si si agradat su licore galu pius forte, peròe, giàe nde podet bastare unu litru e mesu ebbìa) e 500-600 gramos de tùcaru. Si podet ponner frutu de murta a piaghere, bastet chi s'àlcolo nde lu podat suspire totucantu. A pustis de àer lassadu sa murta in s'àlcolo po unu mese, cun d-unu pajoleddu o padedda si faghet buddire s'abba cun su tùcaru. In s'impestantu, sa murta si agutat dae s'àlcolo chi la coberiat e si la amisturat cun s'abba intucarada. Tando, si lassat totu a infritare. A s'ùrtimu, tocat a ispremer cun d-unu pannigheddu sa murta po chi nd'essat su sutzu, e a amisturare s'àlcolo a su brou po nde prennare sas ampullas.

Boghes curreladas[modìfica | edit source]