NEET

Dae Wikipedia, s'entziclopedia lìbera.
Jump to navigation Jump to search

Nùgoro-Istemma.png
Articulu in nugoresu
Nùgoro-Istemma.png

NEET est un'acronimu inglesu chi cheret narrer Not in Education, Employment or Training, connottu in Italia e in Sardigna chin su faveddu nén-nén (in italianu né-né), e inditat zente chi no istudiat, non tenet traballu o ateras attividades chi si li podant assimizare (tirocinios, traballos in domo etc.). Calicunu ente guvernativu lu impreat comente unu faveddu de classificassione. Generalmente su fenomenu pertenet a sa fascia de edade in intro de sos 16 (custu fintzas si in carchi istadu s'iscola de s'obricu no acabat necessariamente a 16 annos) e sos 35 annos, o adderettura fintzas a 65 annos.

A su fenomenu li ant dau cara a primu in su Regnu Unìu, ma si ch'est isparghinande a lestru meda in atteros istados peri su mundu, comente in Giappone, Cina, Corea de su Sud e in Italia; secund'e s'Istat, in su 2009 in Italia sos nén-nén in sa fasca de edade tra sos 15 e 29 annos fint 2 miliones (su 21,2 pro chentu). Su fenomenu si ch'est radicalizande in sa fasca de 25-30 annos, ca in cughe sos nén-nén rappresentant su 28,8% de sa populassione totale, a cantu su Cussizu Nassionale de s'Economia e de su Traballu at certificau.