Nassau

Dae Wikipedia, s'entziclopedia lìbera.

Coordinadas: 25°04′41″N 77°20′19″W / 25.078056°N 77.338611°W25.078056; -77.338611


Artìculu in LSC

Bista

Nassau est sa capitale, puru su tzentru cumertziale e culturale, de sas Bahamas e cun una populatzione de belle 250.000 bividores nd'est fintzas sa tzitade prus populada.

Posta in s'ìsula de New Providence, Nassau possedit unu portu traficadu. Su clima tropicale e sas bellesas naturales de sas Bahamas ant fatu de Nassau una destinatzione turìstica populare.

Nassau fiat fundada dae sos britànnicos in sa metade de su de 17 sèculos cun nùmene de Charles Town, ma fiat torrada a batiare Nassau, in onore de Gulliermu III de Orange-Nassau in su 1695. Durante su de 18 sèculos fiat un'amparu famadu pro sos piratas de sos Caràibes, mescamente Barbaniedda. Nassau est istada sugeta a numerosos tentativos de invasione a banda de sos ispagnolos durante sa fine de su de 18 sèculos, e in su 1776 fiat cunchistada e tenta pro una iscurta de sos rivolutzionàrios americanos fintzas a sa liberatzione.

S'Aeroportu Internatzionale de Nassau, su printzipale aeroportu de sas Bahamas, s'agatat in Nassau, e tenet collegamentos fitianos cun sas printzipales tzitades de Istados Unidos, Cànada, Regnu Unidu e de sos Caràibes.

Àteros progetos[modìfica | modìfica su còdighe de orìgine]