Norache
Artìculu in LSC
Norache[1] (in latinu Norax) est un'eroe antigu de sa mitologia sarda. Est su fìgiu de su deus Èrmes e de Eritzèide, fìgia de Gerione. Lu si bidet in sos testos de Pausània (mentovadu su Periegeta), Gàiu Sallùstiu Crispu e Gàiu Giùliu Solinu.
Istòria[modìfica | modìfica su còdighe de orìgine]
Cunforma a Pausània, Norache aiat lòmpidu a Sardigna dae sa penìsula ibèrica a sa ghia de sos Iberes, chi aiant fundadu sa tzitade chi diat àere leadu su nùmene dae isse etotu: Nora[2]
| « Sos Iberes, posca Aristeu, si mudeint in Sardigna suta sa ditada de Norache e dae issos fiat istada fundada sa tzitade de Nora, e dassende in erèntzia chi custa esseret sa primu tzitade de s'ìsula. Nachi Norache fiat fìgiu de Èrmes e de Eritzèide fìgia de Gerione. » | |
(Pausània, Periegesi della Grecia, X, 17,5)
|
Solinu ispetzìficat chi Norache aiat lòmpidu a Sardigna dae sa tzitade mìtica de Tartessu, situada in s'Ibèria meridionale.[3]
Riferimentos[modìfica | modìfica su còdighe de orìgine]
- ↑ MIGRAZIONI – E tui, de chini sesi? 5, in deiuominimiti.blogspot.com, 1º santandria 2010.
- ↑ Pausania il Periegeta, Descrizione della Grecia X, 17, 5.
- ↑ Caii Julii Solini, De Mirabilibus Mundi, The Latin Library. URL consultadu su 14 santugaine 2023.