Nostra Segnora de Baluvirde (santuariu)

Dae Wikipedia, s'entziclopedia lìbera.
Jump to navigation Jump to search

Ozieri-Stemma.png
Articulu in logudoresu
Ozieri-Stemma.png

Nostra Segnora de Baluvirde

Unu Santuariu dedicadu a Nostra Segnora de Baluvirde (Nostra Sagnora de Vaivelt in s'aligaresu, Nostra Signora di Valverde in italianu) s'agatat a 7 Km. dae S'Alighera, in su nord ovest de sa Sardigna. Sa creja est de su XVI seculu. Est a una navada, cun tres cappellas dae un'ala e dae s'atera. A denanti de sa creja b'at unu porticadu. S'altare in marmaru, ricu e imponente, est de sa meidade de su 1700. Sas cappellas sunt ricas de cuadros mannos e de calchi valore. Duos cuadros sunt de Pantaleo Calvi e sunt de su 1600. S'istatua de sa Madonna est minore, de 33 cm; sa cara est unu pagu niedda, cun su Fizu in bratzos. S'istatua est posta ind unu niciu, in s'altare majore. Subra ind un ateru niciu, un' istatua de sa Madonna de sa fritza, ca tenet una fritza in manu.

In sa creja medas ex votos, chi devent passare in unu museu. Nostra Segnora de Baluvirde est sa Patrona de sa Diotzesi de S'Alighera, e cun santu Micheli Patrona de sa tzitade.

Est unu santuariu in ue b'andant meda sos s'aligaresos e sa zente de sas biddas de su circondariu, mescamente in su periodu de sos pellegrinagios dae sa prima domìniga a pustis de Pasca fintzas a sa primu dominiga de làmpadas.

Boghes curreladas[modìfica | modìfica su còdighe de orìgine]