Pamela Prati
Pamela Prati, nùmene de matriguladorzu Paula Pireddu (Otieri, 26 de santandria de 1958), est un’atora, ispetagulista e pessonazu telebisencu sarda.
Carrera
[modìfica | modìfica su còdighe de orìgine]A pustis de s’istrenare de modella e atora in sos annos setanta de su sègulu coladu, est devènnida cunnota a su grandu pùbrigu in su 1988 addaghi, iscoberta dae Pierfrancesco Pingitore, lograt su rolu de prima fèmina in sos ispetàgulos teatrales e telebisencos de su Bagaglino.
In sos annos noranta, s’est partzida dae sa cumpanzia de Pingitore pro presentare unas cantas emissuras, ponende-si a sa prima a costazos de Pippo Franco (finas isse aproghilende dae su Bagaglino) in sas primas edissiones de “La sai l’ultima?”, e a pustis de Teo Teocoli in “Scherzi a parte” e de Gigi Sabani in “Re per una notte”. In custos annos, at tentu sa possibilidade, in intro de sas emissuras, de interpretare cun sa boghe cosa sua diferentes bersionaduras, temas musigales e finas cantones noas, un’esperièntzia chi nch’at sizidu su cùcuru suo in su 1996 cun sa grabadura de unu discu musigale.
In su 2001, s’est reintegrada a su Bagaglino, realizende su bonu de sos ispetàgulos de sa cumpanzia produìdos in sas primas dègadas de su duamiza.