Perdija

Dae Wikipedia, s'entziclopedia lìbera.
Jump to navigation Jump to search
Alectoris barbara
Alectoris barbara

Sa Perdija (Alectoris barbara) de sa Familia Alectoridi, est sa perdija sarda, ca vivet in Sardigna e in nord Africa. Su nomene scintificu enit dae su gregu alectoris (pudda). Est puru connotta comente "pudda de mata".

Caraterìsticas morfològicas e habitat[modìfica | modìfica su còdighe de orìgine]

Su corpu est regoltu, ancas robustas, coa curtza. Sa pumas sunt pintirinadas, e si cunfundent cun su terrinu o sas fozas siccas. Vivet in sos campos, in mesu a sas matas. Mandigat semenes, bermes, insetos, formigas. Faghet su nidu subra su terrinu cun paza e chiccajos. Faghede una vintina de osos, chi benint ciocchidos dae sa femina. Appena naschidos, sos puddighinos sunt in movimentu a dasegus de sa mama. Sa femina, su masciu e -i sos puddighinos formana una familia, e bistana umpare. Sa perdija est unu puzone areste, chircadu meda dae sos catzadores, po sa petta bona e saporida.