Pino Piras
Articulu in nugoresu
_%C3%A0_Alghero_en_2015_(cropped).jpg)
Giuseppe (connottu fìntzas comente Pino) Piras est istau unu cantautore s'aligheresu.
Bida[modìfica | modìfica su còdighe de orìgine]
Pino Piras fit naschiu in s'Alighera in su 18 de martzu de su 1941 dae Angelino Piras e Maria Masala, primu fizu de deche, ind una dommo posta in su tzentru istoricu. In cughe at bìviu e, chin s'amicu Pino Ferraris, at cumintzau ja dae sende zovaneddu a cumpònner cantones e poesias in s'aligheresu. Issu puru, comente a medas sardos e s'aligheresos, fit custrìntu a colare unu periodu de disterru lassande sa Sardigna e sa tzittade sua pro sich'andare in Lombardia, in ube at connottu su mundu de su teatru, cosa chi fit de importu meda pro s'isperièntzia artistica sua. Torrau in Sardigna, Piras at dèpiu traballare che mastru de muru e in Casteddu pro una siènda de pulitzias. Sos annos Settanta fit unu periodu istoricu mannu pro s'affirmassione de sas identitades, e s'Alighera no aìat fattu eccetzione: Pino fit unu de sos chi aìan fundàu su "Bar Folklore", locu chi sos amantiosos de curtura s'aligheresa bi benìan a s'ispissu. Aìat puru prozettàu sa nàschia de sa Companyia del Reganal, una cumpanzìa de teatru chi at debuttau chin sa cummedia satirica Paìs de alegries, sutzessu mannu de prubbicu e critica. In su 1979 Pino fit dèpiu torrare a repìtere s'isperientzia de su disterru, ma s'annu chi benìat a pùstis, torrande definitivamente in patria, su Comunu l'aiat assuntu che mastru de muru, bivende ind unu macasìnu de sas dommos populares de bìa Sant'Agostino. In su 1982 Pino Piras s'aìat picau unu grave malannu: sa diagnosi nabat chi si fit immalabidàu de tubercolosi. Sa cundissione de salude e sas difficurtades economicas non lu an isporàu pro nudda, de cada manera, e at sichìu a traballare e a iscrìver cumponimentos chi fin semper de prus istimàos, mascamente pro sa carica satirica issoro. In su 30 de maju de su 1989, Giuseppe Piras benit a mancare. Su Comunu de s'Alighera li at reconnottu unu postu mannu, ponènde una pràcca chin su lùmen suo ind una de sas prattas prus importantes de sa tzittade.