Piponzu a intro

Su piponzu a intro est una custumàntzia antiga de su mundu rurale sardu. Pro pipare a intro, si mantenet sa zigarreta cun sa parte alluta in sa buca e su firtru in foras. Custu avesu fiat ispainadu una die in su sartu: fiat pratigadu cun s'iscuru e serviat pro no esser notados dae inimigos e bandidos. Un'issena in ue un'òmine pipat a intro est cuntènnida in sa pellìcula Babu mere, bogada dae su romanzu numenale de Bainzu Ledda. Est una custumàntzia chi dimandat capatzidade e bastante perigulosa: s'ingurtimentu intzidentale de sa zigarreta podet causare cunseghèntzias meda graes.

A dies de oe, est un'avesu pratigamente iscumpartu: sos pipadores chi timent de esser bidos dae chie non los devet bider preferent sintzillamente a s'astenner dae su piponzu. S'ispressura “piponzu a intro” abarrat in su limbazu figuradu de sa limba sarda pro inditare una tarea mala a realizare: “Pro bi resessire amus a dever pipare a intro”.