Pireneos

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Bista aèrea de sos Pireneos

Mapa fìsica de sos Pireneos

Is Pireneos (Pyrénées in frantzesu, Pirenèus in otzitanu, Pireneus in aragonesu, Pirinioak in bascu, Pirineos in castillianu, Pirineu in cadalanu) sunt una cadena montosa posta in su norte de sa penìsula ibèrica chi rugrat totu s'istmu chi unit sa penìsula cun su restu de su continente europeu. S'isterret dae su Mare Mediterràneu, in su Cap de Creus, a estu, fintzas a su Mare Cantàbricu, in su Golfu de Biscaja, a ovest. A sud de sa cadena montagnina s'agatat sa depressione de s'Ebro e a norte cussa sa de sa Garonna.

Sa cadena montosa òcupat is chirros setentrionales de Catalugna, Aragona, Navarra e Paisu Bascu e su cantone meridionale de su Paisu Bascu setentrionale (regione de Noa Achitània) e Otzitània (Bearn, Guascogna e Lengadòc); s'ovest e su sud de sa Catalugna setentrionale; e s'intrea Andorra. Sa làcana intre Frantza e Ispagna sighit in manera aprossimativa sos Pireneos; is Paisos Bascos e sa Catalugna, de pare a pare a s'estremidade otzidentale e orientale, s'agatant a caddu de sa cadena montagnina.

Tenent una longària de unos 425 km e unu ladiore chi generalmente non propassat is 100 km, cun una superfìtzie totale de 19.000 km². Is chimbe pitzos prus artos de sa cadena sunt Aneto (3.404 m), su pitzu de Pocets (3.375 m), Mont Perdut (3.355 m), Punta de Astorg (3.355 m) e Pitzu Maldito (3.350 m).