Port Louis

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Panorama a merie

Port Louis est sa capitale e sa tzitade printzipale de Maurìtziu. Posta in s'otzèanu Indianu, est su primu portu de s'istadu e su segundu tzentru finantziàriu de Àfrica a pustis de Johannesburg. Contat unos 149.194 bividores.

Posidura in s'ìsula de Maurìtziu

Unu primuaposentamentu in sa zona de Port Louis fiat criadu dae sos olandesos, cun su nùmene de "Noordt Wester Haven"; ma isceti suta de is frantzesos, partende dae su 1735, Port Louis si diat fàghere una tzitade a berus e fiat promòvida a capitale. Pro is frantzesos su portu de Port Louis fiat una tapa importante pro su frunimentu de is naes chi navigaiant a giru de Àfrica passende pro su Cabu de Bonu Isperu. Su nùmene de Port Louis fiat isseberadu dae su primu guvernadore Bertrand-François Mahé de La Bourdonnais, in onore de su re Luisi XV. S'istòria de sa tzitade est pintiniada de disastros naturales; intre su 1773 e su 1896 Port Louis at dèpidu subrabìvere a una sèrie de intzèndios, epidèmias e tziclones.