Progetu Repùblica de Sardigna

Articulu in logudoresu

Progetu Repùblica de Sardigna, a s'ispìssu incurtziàdu in ProgReS, est unu partidu sardu sotzial-democraticu de ideas indipendentistas, fundàdu in su mese de bennàrzu de su 2011 dae parte manna de sos militantes de un'atteru partidu indipendentista, chi si nàrat Indipendèntzia Repùbrica de Sardigna (o iRS).

Su partidu est organitzàdu in oto sèas regionales sardas (Cagliari/Castèddu; Sulcis-Iglesiente; Medio Campidano/Campidànu; Oristano/Aristànis; Nuoro/Nùgoro; Ogliastra/Ogiàstra; Sassari/Tàtari; Gallura/Gaddhùra) cund una in prus (su Distèrru) a rappresentare sa diaspora sarda pèri s'Europa e su mundu intrèu. Mancàri chi medas sardos vìvan in foras de sa Sardigna, iRS e ProgReS sun istados sos primos partidos sardos a si curare de sa rappresentantzia pro sos sardos chi non b'istan prus in s'isula. Si pùblicat papèri pèri sa retza: pro esempiu, sa regione de su Disterru iscrìet Su Bandu cun articulos in inglesu, sardu e italianu.