Proina

Dae Wikipedia, s'entziclopedia lìbera.
Jump to navigation Jump to search
Proina

Sa proina est sa pretzipitadura atmosfèriga prus comuna e si format cando gùtios separados de aba falant a su solu dae sas nues. Su còdighe suo METAR est RA. Sa proina zogat unu rolu importante a beru in su tzicru de s’aba, in ue su lìchidu ch’ispàporat dae sos otzèanos in forma de papore si cundensat in sas nues e falat torra a su solu, a pustis torrat a sos otzèanos peri sas tizas suterraneas, sos traìnos e sos rios e repitet su tzicru. In cussa manera, si rennet disponìbile a sa bio-isfera permitende s’isvilupu de sa frora e de sa fauna e s’abilitabilidade a sos èsseres umanos.