Pseudoermafroditismu
Limba Sarda Comuna. Abbàida sas àteras bariedades gràficas:
| Pseudoermafroditismu | |
|---|---|
| Ispetzialidade | |
| Genètica; Endocrinologia | |
| Classificatzione e risursas esternas | |
| ICD-10 | Q56 [1] |
| Carateristicas | Espressione de is carateres sessuales segundàrios e/o primàrios ambigua |
| Càusa | Disordines ormonales e/o genèticos |
Su pseudoermafroditismu est una cunditzione in ue un'indivìduu presentat un'aspetu de su sessu opostu a su cromosòmicu o unu fenotipu sessuale ambìguu.
Pseudoermafroditismu masculinu[modìfica | modìfica su còdighe de orìgine]
In is casos de pseudoermafroditismo masculinu, is càusas pertocant printzipalmente una produtzione iscassa de andrògenos o una resposta insufitziente a custos,[1] chi podent èssere determinadas dae vàrios fatores comente fartas enzimàticas (comente sa 5α-redutasi) o una resistèntzia perifèrica a s'atzione de sos andrògenos dèpida mescamente a mudàntzias de retzetores. Is indivìduos pseudoermafroditos, pro inibitzione de sa sìntesi o de s'atzione de su diidrotestosterone (DHT), podent tènnere pene e testìculos de dimensiones normales, ma prus a s'ispissu sunt prus piticos e prus pagu isvilupados, o presentant forma ambìgua; in gènere custos indivìdos non tenent ginecomastia, ma tenent una farta de caràteres sessuales segundàrios comente a barba, pilos de su corpus, profundidade de sa boghe, mancari de norma tèngiant una sessualidade e una fertilidade normale. Unos àteros casos de sìndrome de insensibilidade a sos andrògenos (Sìndrome de Morris) si podent presentare in vàrias formas: in sa forma cumpleta (CAIS) un'indivìduu cun unu cariotipu 46, XY si podet isvilupare comente una fèmina, presentende però vagina a fundu tzurpu, ausèntzia de sos òrganos derivados dae is dutos de Müller, criptoorchidismu (testìculos cuados in intro de su corpus) e amenorrea primària.[2] In sa forma partziale (PAIS) is sìntomos sunt simbigiantes, ma s'agatat una partziale masculinizatzione e tando genitales ambìguos o prevalentemente masculinos.[3]
Pseudoermafroditismu femininu[modìfica | modìfica su còdighe de orìgine]
Fintzas in is casos de pseudoermafroditismu femininu, fatu·fatu definidos casos de "androginia", s'agatat una càusa ormonale, determinada dae difetos enzimàticos (sìndrome adreno-genitale), chi podet giùghere a una virilizatzione prus o prus pagu marcada.
Sa sìndrome de insensibilidade a sos estrògenos est unu tipu de intersessualidade pagu comuna, chi apartenet a sa categoria de pseudoermafroditismu femininu. Is persones chi nde sunt interessadas tenent cariotipu 46XX, cun o chentza genitales femininas internas e agiomai semper cun genitales esternos masculinizados (in parte o de manera cumpleta in sa majoria de is casos) presente in fèminas cromosomicas. Cumparent fisicamente in foras mascros e sa diagnòsi est pagu frecuente, fortzis pro su livellu de maduresa de sos òrganos sessuales masculinos esternos. In generale si diagnòsticat in edade de mannas.[4] Si creet chi custu tipu de ermafroditismu si produit a resurtu de unu fedu femininu normale, chi est istadu espostu a ormones masculinos in etzessu durante s'ingraidèntzia, fortzis durante su protzessu de cumprimentu de sos òrganos sessuales.
Riferimentos[modìfica | modìfica su còdighe de orìgine]
- ↑ (IT) TABELLA 261-5. CAUSE E CARATTERISTICHE DELLO PSEUDOERMAFRODITISMO MASCHILE, in msd-italia.it. URL consultadu su 4 nadale 2021 (archiviadu dae s'url originale su 17 austu 2007).
- ↑ (IT) Le diverse forme di A.I.S., in sindromedimorris.org. URL consultadu su 4 nadale 2021 (archiviadu dae s'url originale su 4 trìulas 2007).
- ↑ (IT) Le diverse forme di A.I.S., in sindromedimorris.org. URL consultadu su 4 nadale 2021 (archiviadu dae s'url originale su 4 trìulas 2007).
- ↑ (EN) Waldemar Ch. Hecker, Surgical Correction of Intersexual Genitalia and Female Genital Malformation, 1985.
Artìculos in ligòngiu[modìfica | modìfica su còdighe de orìgine]
Àteros progetos[modìfica | modìfica su còdighe de orìgine]
 |
Wikimedia Commons tenet files chi ligant a: Pseudoermafroditismu |