Queens of the Stone Age

Dae Wikipedia, s'entziclopedia lìbera.

Flag of the Italian region Sardinia.svg
Articulu in LSC
Flag of the Italian region Sardinia.svg

Queens of the Stone Age
QOTSA 2007.jpg
Is Queens of the Stone Age in Londra in su mese de Làmpadas 2007
Informatziones
Connotu fintzas comente Gamma Ray (1996-1997)
Orìgine Palm Desert, Califòrnia, Istados Unidos
Gènere musicale Alternative rock, stoner rock
Annos de atividade 1996 - in atividade
Etichetas Matador, MCA Music, Inc., Interscope, Rekords Rekords, Roadrunner
Artistas associados Eagles of Death Metal, Fififf Teeners, Kyuss, Mondo Generator, Sweethead, The Dead Weather, The Desert Sessions, Them Crooked Vultures
Giassu qotsa.com
Membros Josh Homme
Troy Van Leeuwen
Dean Fertita
Michael Shuman
Jon Theodore
Membros colados Joey Castillo, Alain Johannes, Natasha Shneider, Mark Lanegan, Nick Olivieri, Dave Grohl, Brendon McNichol, David Catching, Mario Lalli, John McBain, Dean Ween, Van "The Kid" Conner, Mike Johnson, Gene Trautmann, Alfredo Hernandez, Matt Cameron

Is Queens of the Stone Age sunt unu cumpressu rock americanu formadu in su 1996, chi benet de Palm Desert, in Califòrnia.

Nde faghet parte su fundadore Josh Homme (boghe, ghitarreri, pianista), Troy Van Leeuwen (ghitarra, tastiera, tumbarinos, segunda boghe), Dean Fertita (tastiera, ghitarra, tumbarinos, segunda boghe). De pagu s'est azuntu Jon Theodore (tumbarinos).

Formados a segus de s'iscontzu de sos Kyuss, in ue Homme fiat ghitarreri, is Queens of the Stone Age naschent comente cumpressu heavy rock, ma creschent andende a abratzare una manna bariedade de gèneres musicales e influèntzias. Ant traballadu fintzas cun Billy Gibbons e Mark Lanegan.

A primìtziu si naraiant Gamma Ray.

Istòria[modìfica | edit source]

Inghitzu (1996-1999)[modìfica | edit source]

Sa fundatzione de is Queens of the Stone Age est dèpida a Josh Homme. Cun s'iscontzu de sos Kyuss, Homme s'aùnit a sonare cun is Screaming Trees chi sunt in tour a Seattle e traballat cun medas artistas comente Matt Cameron, de is Soundgarden e Mike Johnson de is Dinosaur Jr.

A s'iscomentzu registrant cun nòmene de Gamma Ray, ma esistet giai unu cumpressu metal tedescu cun custu nòmene chi menatzat de ddis faghere càusa, duncas ddu cambiant in Queens of the Stone Age (Reinas de s'Edade de sa Pedra). Custu nòmene diat a bènnere de una frasa de Chris Goss, produidore a su tempus de is Kyuss, chi registrende in su 1992 ddis aiat naradu: piciocos, bos àteros seis comente sas reinas de s'edad'e sa pedra.

Su primu album, Queens of the Stone Age, est registradu iscetis de Homme e Alfredo Hernàndez (issu puru ex-Kyuss), cun carchi agiudu de Chris Goss e Patrick Hutchinson. Bessit in s'atòngiu 1998.

Pagu tempus a pustis de sa bessida Nick Olivieri (ex-Kyuss) lassat su cumpressu in ue est sonende, is Dwarves, e s'aunit a Homme e Hernàndez. Sighet a issu su ghitarreri Dave Catching.

Sa fama (2000-2004)[modìfica | edit source]

In is duos annos chi sighent , comente at a sutzèdere fintzas in su benidore, sa mermadura de su cumpressu cambiat, ma Josh Homme abarrat semper.

In su 2000 bessit su segundu album, Rated R, cun medas musitzistas chi istant in sa ròdia de Homme e Olivieri. Is criticas sunt bonas, prus pagu sas bèndidas. Partint pro unu tour meda longu chi ddis permitet de si faghere fama.

In s'austu 2002 bessit s'album de tres, Songs for the Deaf. Pro sa registratzione de custu album su cumpressu arretzit su cuntributu de s'ex-Nirvana, Dave Grohl, e de s'ex cantadore de is Screaming Trees, Mark Lanegan. Dave Grohl non sighet in su tour pro s'album, francas carchi cumparsada in is festivals e torrat a su progetu suo cun sos Foo Fighters. In logu suo arribat s'ex-Danzig, Joey Castillo. A primìtziu depet iscetis sonare in su tour europeu ma at pois a abarrare comente mermu firmu.

S'album est discu de oru in su 2003. Is singles No One Knows e Go with the Flow diventant famados e meda trasmitidos in is ràdios e in su canale de telebisura MTV.

In su ghennàrgiu 2004 Nick Olivieri est bogadu de su cumpressu, a pustis de is datas de su tour in Australia. A nàrrere de Homme est pro ite diat èssere istadu rebbestu cun sa picioca.

Lullabies to Paralyze e Era Vulgaris[modìfica | edit source]

In su 2005 Josh Homme, Alain Johannes, Troy Van Leeuwen e Joey Castillo registrant s'album de bator, cun titolu Lullabies to Paralyze, nòmene pigadu de s'urtima cantzone de s'album cabudianu: Mosquito Song.

Mark Lanegan registrat iscetis carchi cantzone e cumparet in tour iscetis cando cuncordadu. B'ant boghes chi cherent ca siat istadu issu puru bogadu de Homme, ma comente at a espricare issu atotu, Lanegan est faghende isceti unu tour de promotzione de s'album nou suo, Bubblegum.

Lullabies to Paralyze est dadu in internet in su freàrgiu 2005, e bessit uffitzialmente in sos Istados Unidos su 22 de martzu, giampende a su postu de chimbe in is crassìficas de Billboard.

In s'atòngiu de su pròpiu annu is QOTSA sighent is Nine Inch Nails in su tour de Nord-America, chi sunt presentende s'album With Teeth. In s'ispetaculu de su 19 de nadale 2005, su ghitarreri de is Nine Inch Nails, Aaron North, sonat impare a issos is cantzones  Monsters in the Parasol e Long Slow Goodbye.

Est semper su 2005 cando is Queens of the Stone Age faghent su primu album live, Over the Years and Through the Woods.

In su cuntzertu chi su cumpressu daet a su Wiltern Theatre de Los Angeles, Homme cantat fintzas cun John Garcia, ex boghe de is Kyuss. Impare sonant tres cantzones de is Kyuss, pretzisamente ThumbHurricane e Supa Scoopa and Mighty Scoop.

In su mese de làmpadas 2007 est pubricadu s'album de chimbe, Era Vulgaris, ma giai in antis de sa bessida sunt istados isceberados duos singles: Sick, Sick, Sick e 3's & 7's. In su 2008 bessit puru su single Make It Wit Chu.

Annos 2010[modìfica | edit source]

In su 2010 bessit sa segunda editzione de s'album Rated R e in su 2011 sa de su primu, Queens of the Stone Age, cun s'azunta de carchi cantzone.

Su 4 de làmpadas 2013 bessit ...Like Clockwork. Pro custu album torrat Dave Grohl chi sonat chimbe cantzones, e bi pigant parte medas artistas, intra custos fintzas s'ex bassista Nick Oliveri.

Mermadura oe[modìfica | edit source]

Discografìa[modìfica | edit source]

Album[modìfica | edit source]

Studio[modìfica | edit source]

  • 1998 - Queens of the Stone Age
  • 2000 - Rated R
  • 2002 - Songs for the Deaf
  • 2005 - Lullabies to Paralyze
  • 2007 - Era Vulgaris
  • 2013 - ...Like Clockwork

Live[modìfica | edit source]

  • 2005 - Over the Years and Through the Woods

EP e Regortas[modìfica | edit source]

  • 1996 - If Only Everything 
  • 1997 - Kyuss / Queens of the Stone Age - Split EP
  • 1998 - Queens of the Stone Age/Beaver - Split EP cun is Beaver
  • 2004 - Stone Age Complications - (Raru, remix, editzione limitada)

Singles[modìfica | edit source]

Queens of the Stone Age:

  • 1999 - If Only

Rated R:

  • 2000 - The Lost Art of Keeping a Secret
  • 2000 - Feel Good Hit of the Summer
  • 2000 - Monsters in the Parasol

Songs for the Deaf:

  • 2002 - No One Knows
  • 2003 - Go with the Flow
  • 2003 - First It Giveth

Lullabies to Paralyze:

  • 2005 - Little Sister
  • 2005 - In My Head
  • 2006 - Burn the Witch

Era Vulgaris:

  • 2007 - 3's & 7's
  • 2007 - Sick, Sick, Sick
  • 2007 - Make It Wit Chu

...Like Clockwork:

  • 2013 - My God Is the Sun