Quidditas

Dae Wikipedia, s'entziclopedia lìbera.


Articulu in logudoresu

Sa quidditas est unu faeddu latinu, chi tenet raighina in su limbazu filosoficu de sa edade mèdia. Est su pronòmine "itte?", chi bolet fagher dimanda, fattu nòmine astrattu. Su faeddu benit, cun tottu probabilidade, dae cando si fin bortande in limba latina sos iscrittos filosoficos dae s'arabu, in su segulu de XII. Si podet dare chi fit Avitzenna (nòmine orizinale: Ibn Sinā) a si imbentare sa paraula pro furriare τό τί ἦν εἶναι (essentzia, appuntu) dae su gregu.

Sa quidditas, o essentzia de una cosa, est su faeddu pro torrare imposta a sa dimanda "itte est custa cosa?". E tando, descriet s'essentzia o natura de una cosa. Sa paraula tenet meda importu in su pensamentu de su filosofu Duns Scotu. Si impreat a s'ispissu pro lu parare contra su faeddu haecceitas, chi cumprendet tottus sas caratteristicas chi dìan fagher una persone tale.