Raymond Queneau

Dae Wikipedia, s'entziclopedia lìbera.
Jump to navigation Jump to search

Ozieri-Stemma.png
Articulu in logudoresu
Ozieri-Stemma.png

Raymond Queneau (Le Havre, 21 de freàlzu 1903Parigi, 25 de santuaine 1976) est istada una iscrittore, poete e matematicu frantzesu.

Raymond Queneau fit creschidu ind'una familia de cummerciantes. Fit andadu a Parigi pro istudiare sa filosofia a sa Sorbona e a s'École Pratique des Hautes Études ue aiat sighidu sas letziones de Alexandre Kojève subra de Hegel. Issu aiat frequentadu su grupu de sos surrealistas a su cale aiad aderidu in su 1924. In su 1930, cando l'aiana esclusu dae su grupu, aiat partecipadu a iscriere su pamphlet Un cadavre contra a de André Breton. Poi de aer lassadu su surrealismu Raymond Queneau aiat trabagliadu a una Enciclopedia de iscientzias inesattas, chi fit pero istada rifiutada dae sos editores. Fatende su servitziu militare in Algerìa e in Marocco (1925-1927) aiat imparadu s'arabu.

In su 1947 aiat iscritu Exercices de style (esercìtzios de istilu), chi fit unu contu muzzu racontadu in 99 maneras diversas. Custos Esercìtzios li fin istados ipirados dae s'Arte de sa fuga de Johann Sebastian Bach, in su mentre fit auscultende unu cunzertu.

S'influentzia de René Guénon[modìfica | modìfica su còdighe de orìgine]

Raymond Queneau fit unu lettore attentu e assiduu de s'obera de René Guénon, chi issu aiat iscobertu legende s'Introduction générale à l'étude des doctrines hindoues in su 1921. A partire dae cussa data e finas a sa fine de sos annos '20, Queneau lege totu sas oberas e sos articulos de Guenon, e aiat appidu puru una breve curripundentzia cun issu.