Real Madrid Club de Fútbol

Dae Wikipedia, s'entziclopedia lìbera.
Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu


Su Real Madrid Club de Fútbol, connotu fintzas comente Real Madrid, est una sotziedade polisportiva ispagnola cun sede in sa tzitade de Madrid: fundada su 6 martzu 1902, est difatis cumposta dae una setzione de fùbalu e de una de basket.

Istòria[modìfica | modìfica su còdighe de orìgine]

S'iscuadra de fùbalu mìlitat in sa Primera División ispagnola dae cando ant creadu sa Liga, est a nàrrere dae su 1929, gasi comente su Barcellona e Athletic Bilbao. Cun 84 trofeos in dies de oe, sa formatzione madrilena est sa de duas prus binchidora in s'istòria de su fùbalu ispagnolu a pustis de su Bartzellona, e fintzassa prus titulada in is cumpetitziones UEFA pro iscuadras. Detenet su rècord de 32 tìtulos natzionales bintos, e fintzas su primadu assolutu de 11 vitòrias de sa Copa de sos Campiones/Champions League. S'iscuadra podet bantare unu de sos palmarès de importu prus mannu, chi incluit fintzas 19 Copas de Ispagna, 9 Super-copas de Lega, 1 Copa de sa Liga, 2 Copas UEFA, 3 Super-copas europeas, 3 Copas Intercontinentales, 2 Copas de su mundu pro iscuadra e 1 Copa ìbero-americana: custu nde faghet sa primu iscuadra in su mundu pro trofeos ufitziales bintos a livellu internatzionale (22). S'11 de nadale de su 2000 su Real Madrid est istadu nominadu dae sa FIFA comente mègius iscuadra de su de XX sèculu in base a unu sonagiàrgiu intre sos letores de sa chi tandofiat sa rivista istitutzionale FIFA Magazine.[1]

Sa denominatzione de sa sotziedade fiat, a s'incumintzu, Madrid club de Fútbol; sa paràula "Real" l'at annànghida a pustis, in su 1920, su Re Alfonso XIII de Ispagna, paris cun sa corona aplicada in s'istemma. Sos giogadores de su Real Madrid los mutint merengues pro more de su colore de sa màllia chi ammentat su de sa meringa. Dae sa còmpora rècord de Zinédine Zidane, in sa prima metade de sos annos 2000, s'iscuadra est istada gistrada Los Galácticos (Sos Galàcticos), pro more de sa presèntzia de medas isteddos in s'orgànicu titulare. In Ispagna s'iscuadra est connota comente a el Madrid (su Madrid), in contrapositzione cun s'Atlético (el Atlético), mentras in Itàlia est connotu comente a su Real. A diferèntzia de medas sotziedades de fùbalu europeas sa propiedade de s'iscuadra apartenet a sos sòtzios suos, chi cada bator annos nde eleghent su presidente.

In su freàrgiu 2013, a su chi at iscritu sa Deloitte Football Money League, est istadu s'iscuadra prus rica de su mundu cun 479,5 milliones de èuros de intradas, a in antis de is rivales isportivos de su Bartzellona e a su Manchester United, chi fiat abarradu su primu pro oto annos.[2] In su 2016 est torra s'iscuadra prus rica de su praneta. Gràtzias a is capatzidades econòmicas mannas suas, sa sotziedade at pòdidufàghere duos de sos corfos de mercadu prus gastosos in s'istòria de su fùbalu: Gareth Bale, comporadu pro sa tzifra de 100 milliones de èuros dae su Tottenham in su 2013, e Cristiano Ronaldo, prelevadu gràtzias a 94 milliones de èuros dae su Manchester United in su 2009.

Est fintzas s'ùnica sotziedade isportiva de professionista in su mundu a istituire unu cursu de istùdios universitàriu post-làurea. Difatis, in su 2006, in s'Universidade Europea de Madrid, ant creadu s'iscola de Estudios Universitarios Real Madrid, sa prima iscola de ispetzializatzione pro s'isport, sa gestione sua, sa comunicatzione e sa salude. Su diretore de sa càtedra est Mario Vargas Llosa, binchidore de su Prèmiu Nobel pro sa literadura in su 2010.[3]

Riferimentos[modìfica | modìfica su còdighe de orìgine]

  1. (ES) Tal día como hoy… en 2000, in realmadrid.com. URL consultadu su 4 maju 2012.
  2. (EN) Deloitte Football Money League 2012, deloitte.com, freàrgiu 2012. URL consultadu su 4 maju 2012 (archiviadu dae s'url originale su 15 santugaine 2014).
  3. (ES) Un proyecto internacional para formar líderes, que trasciende los límites del deporte, rm.uem.es. URL consultadu su 12 freàrgiu 2017 (archiviadu dae s'url originale su 1º freàrgiu 2012).
Controllu de autoridadeVIAF (EN129926959 · ISNI (EN0000 0000 8918 8257 · BIBSYS (EN12052788 · BNE (ESXX115376 (data) · BNF (FRcb16669126d (data) · CANTIC (CAa11911682 · GND (DE6512235-5 · LCCN (ENn97052180 · NDL (ENJA01044251 · NKC (ENCSolak2004203592 · NLI (ENHE004132655 · SUDOC (FR161695213 · WorldCat Identities (ENn97-052180