Rick and Morty

Custu est un'artìculu de su mese
Dae Wikipedia, s'entziclopedia lìbera.
Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Rick and Morty
Logo de sa sèrie
Logo de sa sèrie
Paisu Istados Unidos
Annu 2013-In cursu
Format Sèrie TV
Gènere fantasièntzia, aventura, umorismu nieddu, sitcom
Istajones 7
Episòdios 71
Durada 22 min. cada episòdiu
Limba originale Inglesu
Crèditos
Ideadore Justin Roiland, Dant Harmon
Custu template: càstia  cuntierras  modìfica

Rick and Morty est una sèrie animada istadunidensa, creada dae Justin Roiland e Dant Harmon, pro Adult Swim.

Sa sèrie, cunsiderada de gènere de orrore còsmicu, est nàschida dae una parodia animada de Back to the future, creada dae Roiland pro su fèstival de is film curtzos Channel 101[1][2][3].

Trama

Rick est un'iscientziadu chi s'est tramudadu anchè sa famìlia de fìgia sua Beth, una cardiochirùrga pro caddos. Colat sa parte manna de su tempus suo imbentende trastos tecnològicos e batende cun sese su nebodeddu Morty, e posca fintzas sa neta Summer, in aventuras perigulosas e fantàsticas e a bortas insensadas pro mèdiu de s'universu issoro e àteros parallelos, a s'iscoberta de is ispreos e de is meravìllias chi ddoe agatant.

Episòdios

Istajone Episòdios Prima TV USA
Prima istajone 11 2013-2014
Segunda istajone 10 2015
Sa de tres istajones 10 2017
Sa de bator istajones 10 2019-2020
Sa de chimbe istajones 10[4] 2021
Sa de ses istajones 10 2022
Sa de sete istajones 10 2023

Personàgios e boghes

  • Rick Sànchez, boghe originale de Justin Roiland.
  • Morty Smith, boghe originale de Justin Roiland.
  • Summer Smith, boghe originale de Spencer Gramme.
  • Beth Sànchez in Smith, boghe originale de Sarah Chalke.
  • Jerry Smith, boghe originale de Chris Parnell.

Produtzione

Grafitu de Rick e Morty in sa tzitade de Liège

Sa sèrie animada Rick and Morty est istada creada dae Justin Roiland e Dant Harmon. Is duos si sunt addobiados sa prima borta in su Channel 101, unu fèstival mensile dedicadu a is filmados chi tenet logu in Los Angeles, co-fundadu dae Harmon.[1] In s'ìnteri de su Channel 101, is partetzipantes presentant unu filmadu issoro in forma de episòdiu pilota e su pùblicu, in direta, detzidet cales episòdios diant pòdere essire una sèrie bera. Roiland, insandus produtore de reality, at incumentzadu a presentare cuntènnidos pròpios a su fèstival un'annu a pustis de sa prima editzione, in su 2004. Is pilotas suos fiant de sòlitu fatos de elementos malàidos e trobeddados chi ingendraiant in su pùblicu reatziones de confusione. Nointames Harmon at pigadu in simpatia s'umorismu suo e at incumentzadu a collaborare cun issu.

In su 2006 Roiland est istadu lissentziadu dae una sèrie TV, pro neghe de sa creatividade sua "afogosa".[2] S'òmine at incumentzadu aici a si dedicare a sa creatzione de unu webisòdiu. Su resurtadu finale est istadu The Real Animated Adventures of Doc and Mharti, unu curtzu animadu cun protagonistas is parodias de Doc Brown e Marty McFly, pessonàgios de sa trilogia de Back to the future. Harmon at descritu su curtzu comente a "un'imburdimentu, unu vandalismu pornogràficu", tantu chi Doc Smith imparat a Mharti chi sa solutzione a totu is problemas suos est su sessu orale[5]. Su pùblicu at reagidu in manera positiva e Roiland at incumentzadu aici a creare àteros curtzos cun is duos personàgios.[6] De sighida Harmon at creadu e posca at prodùidu Community, una sitcom pro NBC, mentras Roiland at traballadu prus che totu comente a dopiadore pro sa sèrie Disney Fish Hooks e pro sa sèrie de Cartoon Network, Adventure Time.

In su 2012 Harmon est istadu lissentziadu dae Community[7]. Adult Swim, pro custu, chirchende unu programma nou de "impatu forte", s'est acurtziadu a Harmon chi, in comintzu, no cunsideraiat su canale adatu a s'istile suo.[8] Issu non si fiat mai acostadu a s'animatzione e s'istile suo de creatzione televisiva si cuntzentraiat prus che totu in is diàlogos, in is personàgios e in su contu.[6] Insandus at detzìdidu de tzerriare a s'amigu e collega Roiland, pro ddi pedire si tenneret carchi idea pro una sèrias animada. Roiland at pensadu deretu de impreare is personàgios suos parodia de Back to the future, Doc e Mharti, narados pro s'ocasione Rick e Morty.[5] Roiland pensaiat a una sèrie assentada dae episòdios de 10-11 minutos, ma Adult Swim at bòlidu episòdios de mesa ora. Harmon at crètidu chi sa mègius manera pro artare su livellu de su programma esseret pònnere una famìlia a giru de is personàgios, incumentzende s'isvilupu de is personàgios de Summer, Beth e Jerry. Imbetzes Nick Weidenfeld, s'isvilupadore esecutivu de Adult Swim, at cussigiadu chi Rick esseret su giaju de Morty. In antis de isvilupare in manera definitiva Rick and Morty, Roiland at creadu tres àteros pilotas, rebusados dae Fox.

In su ghennàrgiu de su 2023 Adult Swim at dispididu a Justin Roiland ca sa ex amorada dd'at acusadu de violèntzia domèstica[9]. Is acusas sunt istadas a pustis rebusadas pro farta de proas[10].

Distributzione

Sa prima istajone de Rick and Morty at debutadu su 2 nadale 2013 subra Adult Swim e est istada luego bantada dae sa crìtica.[11] Una segunda istajone est istada trasmìtida incumentzende dae su 26 argiolas 2015.[12] Su primu episòdiu de sa de tres istajones est istadu trasmìtidu in prima bisione su 1º abrile 2017, comente a pische de abrile[13], mentras sa bera e première de s'istajone est andada in direta su 30 argiolas 2017.[14][15] Sa de bator istajones est trasmìtida incumentzende dae su 10 onniasantu 2019.[16][17][18] In Europa, sa sèrie est a disponimentu in sa prataforma Netflix.[19]

Retzidura

Crìtica

Istajone Opinione de sa crìtica
Rotten Tomatoes Metacritic
Prima 96% (28 retzensiones)[20] 85/100 (8 retzensiones)[11]
Segunda 91% (13 retzensiones)[21] -
Sa de tres 96% (10 retzensiones)[22] -
Sa de bator 94% (32 retzensiones)[23] 84/100 (5 retzensiones)[24]
Sa de chimbe 100% (20 retzensiones)[25] 89/100 (5 retzensiones)[26]
Sa de ses 91% (62 retzensiones)[27] 86/100 (4 retzensiones)[28]
Sa de sete 75% (12 retzensiones)[29] 73/100 (6 retzensiones)[30]

David Weigand de su San Francisco Chronicle at bantadu sa diretzione de s'animatzione de James McDermott pro èssere "frisca, colorada e istrambeca comente a su script", e afirmat chi sa sèrie tenet "isfumaduras de Futurama, South Park e fintzas Beetlejuice", giuighende comente si siat s'umorismu suo "de su totu originale".[31] Fintzas Neil Genzlinger de su The New York Times at bantadu sa sèrie, creende chi su puntu suo de fortza siat su raportu intre su giaju e is nebodes.[32] Brian Lowry de su Variety imbetzes at donadu a sa sèrie una retzensione lena, agatende·dda "passàbile": narat difatis chi sa sèrie "s'ispissu paret tropu dipendente de s'èssere frenètica, a dannu de èssere ispiritosa" e chi dd'est pràghida comente a "tentativu de benènnidu pro bisare solu unu pagu prus in mannu".[33] David Sims de The A.V. Club at donadu a sa sèrie un'A-. Torrende a bìdere is primos duos episòdios, at donadu is cumplimentos pro su "istile simpre e pulidu de s'animatzione". At decraradu chi, mentras sa sèrie tenet "un'iscuru, una sensibilidade malàida", depet èssere bantadu "s'isfortzu suo pro donare a ònnia personàgiu unu pagu de profundidade" e aplaudire su talentu vocale de Roiland pro su dopiàgiu de is personàgios suos.[34]

Prèmios

  • Annie Awards
    • 2015 – Candidadura pro sa mègius produtzione televisiva de animatzione generale[35]
    • 2018 – Mègius produtzione televisiva de animatzione generale pro s'episòdiu Pickle Rick[36]
    • 2018 – Mègius iscenegiadura in una produtzione televisiva de animatzione pro s'episòdiu Tales from the Citadel a Ryan Ridley e Dant Guterman
    • 2021 – Candidadura pro sa mègius produtzione televisiva de animatzione generale pro s'episòdiu The Vat of Acid Episode[37]
    • 2023 – Candidadura pro sa mègius produtzione televisiva de animatzione pro adultos pro s'episòdiu Night Family[38]
  • Critics' Choice Television Awards
    • 2018 – Mègius sèrie animada[39]
    • 2021 – Candidadura pro sa mègius sèrie animada[40]
  • Gold Derby Awards
    • 2016 – Candidadura pro sa mègius sèrie animada[41]
    • 2018 – Candidadura pro sa mègius sèrie animada[42]
  • Primetime Emmy Awards
    • 2018 – Mègius programma de animatzione pro s'episòdiu Pickle Rick[43]
    • 2018 – Candidadura pro sa mègius realizatzione creativa in s'interatividade multimediale pro unu programma cun iscritura pro su videogiogu Rick and Morty Simulator: Virtual Rick-ality
    • 2020 – Mègius programma de animatzione pro s'episòdiu The Vat of Acid Episode
    • 2023 – Candidadura a mègius programma de animatzione pro s'episòdiu Night Family[44]
  • Saturn Awards
    • 2018 – Candidadura pro sa mègius sèrie o film TV animadu[45]
    • 2021 – Candidadura pro sa mègius sèrie animada[46]
  • Teen Choice Awards
    • 2017 – Candidadura pro sa mègius sèrie animada[47]
    • 2018 – Candidadura pro sa mègius sèrie animada[48]

Riferimentos

  1. 1.0 1.1 (EN) Ivan Cohen, Dan Harmon and Justin Roiland on Rick and Morty, How Community Is Like Star Trek, and Puberty, in vulture.com, 24 ghennàrgiu 2014. URL consultadu su 20 freàrgiu 2018.
  2. 2.0 2.1 (EN) Elise Czajkowski, Dan Harmon’s ‘Rick and Morty’ Premieres on Adult Swim on Dec. 2, in splitsider.com, 12 santandria 2013. URL consultadu su 20 freàrgiu 2018 (archiviadu dae s'url originale su 2 trìulas 2017).
  3. (EN) Alec Opperman, The Philosophy of Rick and Morty, in wisecrack.co. URL consultadu su 13 santugaine 2016 (archiviadu dae s'url originale su 10 austu 2016).
  4. (EN) Shows A-Z - rick & morty on adult swim | TheFutonCritic.com, in www.thefutoncritic.com. URL consultadu su 12 austu 2021.
  5. 5.0 5.1 (EN) Alan Sepinwall, Mega Dan Harmon interview, part 3: 'Rick and Morty', HitFix, 24 martzu 2014. URL consultadu su 20 freàrgiu 2018.
  6. 6.0 6.1 (EN) Yvonne Villarreal, Dan Harmon, Justin Roiland talk bringing absurd to 'Rick and Morty', in articles.latimes.com, 5 martzu 2014. URL consultadu su 20 freàrgiu 2018.
  7. (EN) Michael O'Connell, 'Community' Taps David Guarascio and Moses Port as New Showrunners, in hollywoodreporter.com, 18 maju 2012. URL consultadu su 20 freàrgiu 2018.
  8. (EN) Fred Topel, Exclusive Interview: Dan Harmon & Justin Roiland on ‘Rick and Morty’, in craveonline.com, 2 dicembre 2013. URL consultadu su 20 freàrgiu 2018 (archiviadu dae s'url originale su 2 cabudanni 2017).
  9. (EN) Adult Swim Severs Ties With ‘Rick And Morty’ Co-Creator Justin Roiland Following Domestic Violence Charges – Deadline, in web.archive.org, 24 ghennàrgiu 2023. URL consultadu su 24 freàrgiu 2024 (archiviadu dae s'url originale su 24 ghennàrgiu 2023).
  10. (EN) Roxy Simons TV, Film Reporter, Will Justin Roiland return to "Rick and Morty" after charges were dropped?, in Newsweek, 23 martzu 2023. URL consultadu su 24 freàrgiu 2024.
  11. 11.0 11.1 (EN) Rick & Morty : Season 1, in metacritic.com. URL consultadu su 13 santugaine 2016.
  12. (EN) Adult Swim, Rick and Morty in Twitter, in twitter.com, 14 maju 2014. URL consultadu su 2 abrile 2017.
  13. (EN) Larry Bartleet, ‘Rick and Morty’ season 3: release date, trailers, cast, writers and everything you need to know, in NME, 28 martzu 2017. URL consultadu su 2 abrile 2017.
  14. (IT) Alvise Canal, Rick and Morty: trailer e data d'uscita della terza stagione, in conteageek.it, 30 làmpadas 2017. URL consultadu su 3 maju 2019.
  15. (EN) Jesse Schedeen, Rick and Morty: Dan Harmon and Justin Roiland Finally Reveal Season 3 Premiere Date, in ign.com, 29 làmpadas 2017. URL consultadu su 26 austu 2017.
  16. (EN) Joe Otterson, ‘Rick and Morty’ Season 4 to Premiere in 2019, in variety.com, 15 maju 2019. URL consultadu su 15 maju 2019.
  17. (EN) Andrew Whalen, ‘Rick and Morty’ Release Date Announced for November, in newsweek.com, 15 maju 2019. URL consultadu su 15 maju 2019 (archiviadu dae s'url originale su 15 maju 2019).
  18. (IT) Emanuele Manta, Rick and Morty: Finalmente il trailer dell'attesa stagione 4, in comingsoon.it, 8 santugaine 2019. URL consultadu s'8 santugaine 2019.
  19. (EN) Rick and Morty, in Netflix. URL consultadu su 18 freàrgiu 2021 (archiviadu dae s'url originale su 23 austu 2022).
  20. (EN) Rick and Morty: Season 1, Fandango Media. URL consultadu su 31 maju 2020.
  21. (EN) Rick and Morty: Season 2, Fandango Media. URL consultadu su 31 maju 2020.
  22. (EN) Rick and Morty: Season 3, Fandango Media. URL consultadu su 31 maju 2020.
  23. (EN) Rick and Morty: Season 4, Fandango Media. URL consultadu su 24 trìulas 2020.
  24. (EN) Rick & Morty : Season 4, in metacritic.com. URL consultadu su 31 maju 2020.
  25. (EN) Rick and Morty. URL consultadu su 3 santandria 2021.
  26. (EN) Rick & Morty, in Metacritic. URL consultadu su 3 santandria 2021.
  27. (EN) Rick and Morty: Season 6 | Rotten Tomatoes, in www.rottentomatoes.com. URL consultadu su 24 freàrgiu 2024.
  28. (EN) Rick & Morty season 6, in www.metacritic.com. URL consultadu su 24 freàrgiu 2024.
  29. (EN) Rick and Morty: Season 7 | Rotten Tomatoes, in www.rottentomatoes.com. URL consultadu su 24 freàrgiu 2024.
  30. (EN) Rick & Morty season 7, in www.metacritic.com. URL consultadu su 24 freàrgiu 2024.
  31. (EN) David Weigand, 'Rick and Morty' review: Funny and edgy, in sfgate.com, 26 santandria 2013. URL consultadu su 13 santugaine 2016.
  32. (EN) Neil Genzlinger, A Warm and Fuzzy Grandpa? Well, Not Exactly, in nytimes.com, 1º nadale 2013. URL consultadu su 13 santugaine 2016.
  33. (EN) Brian Lowry, TV Review: ‘Rick and Morty’, in variety.com, 1º nadale 2013. URL consultadu su 13 santugaine 2016.
  34. (EN) David Sims, Dan Harmon's new series is a warped take on the Doc Brown/Marty McFly dynamic, in tv.avclub.com, 2 dicembre 2013. URL consultadu su 13 santugaine 2016.
  35. (EN) 42nd Annual Annie Awards Nominees & Winners!, in annieawards.org. URL consultadu su 13 santugaine 2016.
  36. (EN) Erik Pedersen, ‘Coco’ Dominates Annies; ‘Rick And Morty’ Tops TV: Complete Winners List, in deadline.com, 4 freàrgiu 2018. URL consultadu su 4 freàrgiu 2018.
  37. (EN) Carolyn Giardina, Carolyn Giardina, ‘Soul,’ ‘Wolfwalkers’ Lead Annie Awards Animated Feature Noms, in The Hollywood Reporter, 3 martzu 2021. URL consultadu su 12 austu 2021.
  38. (EN) Carolyn Giardina, ‘Guillermo Del Toro’s Pinocchio’ Wins Five Trophies Including the Top Prize at the 50th Annie Awards, in The Hollywood Reporter, 26 freàrgiu 2023. URL consultadu su 24 freàrgiu 2024.
  39. (EN) Paul Sheehan, 2018 Critics’ Choice Awards: Full winners list in the 25 film and 22 TV categories, in goldderby.com, 11 ghennàrgiu 2018. URL consultadu su 12 ghennàrgiu 2018.
  40. (EN) Borys Kit, Borys Kit, ‘Palm Springs,’ ‘Lovecraft Country’ Lead Nominations for Inaugural Critics Choice Super Awards, in The Hollywood Reporter, 19 santandria 2020. URL consultadu su 12 austu 2021.
  41. (EN) Daniel Montgomery, Gold Derby TV Awards 2016: ‘People v. O.J. Simpson’ leads winners, ‘Game of Thrones’ & ‘Veep’ also prevail, in goldderby.com, 7 cabudanni 2017. URL consultadu su 12 ghennàrgiu 2018.
  42. (EN) 2018 Gold Derby TV Awards winners: ‘Versace’ and ‘Handmaid’s Tale’ are top winners, but ‘Game of Thrones’ takes Best Drama, in goldderby.com, 6 cabudanni 2018. URL consultadu su 9 freàrgiu 2019.
  43. (EN) Rick and Morty - Awards & Nominations, in emmys.com. URL consultadu su 21 cabudanni 2020.
  44. (EN) 75th Emmy Awards Complete Nominations List, in Academy of Television Arts & Sciences (archiviadu). URL consultadu su 24 freàrgiu 2024 (archiviadu dae s'url originale su 21 trìulas 2023).
  45. (EN) Dave McNary, 'Black Panther,' 'Walking Dead' Rule Saturn Awards Nominations, in variety.com, 15 martzu 2018. URL consultadu su 18 cabudanni 2018.
  46. (EN) Patrick Hipes, Patrick Hipes, Saturn Awards Nominations: ‘Star Wars: Rise Of Skywalker’, ‘Tenet’, ‘Walking Dead’, ‘Outlander’ Lead List, in Deadline, 4 martzu 2021. URL consultadu su 12 austu 2021.
  47. (EN) Ella Ceron, Teen Choice Awards 2017: See the First Wave of Nominations, in teenvogue.com, 19 làmpadas 2017. URL consultadu su 12 ghennàrgiu 2018.
  48. (EN) Zach Johnson, Teen Choice Awards 2018 Winners: The Complete List, in eonline.com, 12 austu 2018. URL consultadu su 9 freàrgiu 2019.

Wikimedaglia
Wikimedaglia
Custu est unu de sos artìculos de su mese, est a nàrrere unu de sos mègius artìculos creados e postos in sa pàgina printzipale dae sa comunidade, chi l'at isseberadu pro su mese de martzu de su 2024

Candidados pro sos meses benidores

Totu sos artìculos de su mese