Ritratu de famìlia (Voyager)
campidanesa. Abbàida sas àteras bariedades gràficas:
logudoresu · LSC · nugoresu
Su Ritratu de famìlia est una màgini de su sistema solari pigada de Voyager 1 su 14 friaxu 1990 de una stesiada de giai 6 milliardus de chilòmetrus de sa Terra. Sa màgini intrea est unu mosàicu de àteras 60[1]; custas funt is ùrtimas fatas de Voyager, chi de insandus sighit perou a imbiai sa telemetria sua. Una de custas est sa famada Pale Blue Dot chi amostat sa Terra chi, pigada aici de tesu, aparit sceti che unu puntixeddu asulu.
Sa realizatzioni de custa màgini dd'at bòfia Carl Sagan, astrònomu, divulgadori scientìficu e autori de fantascièntzia[2].
.png){kind=small}
In sa màgini ddoi funt ses pranetas, de manu manca a manu dereta: Giove, Terra, Vènere, Saturnu, Urano e Netunu[3]. Mercùriu s'agatàt tropu acanta a su Soli po essi biu, Marte no est stètiu agatau de is telecàmeras de Voyager po mori de sa luxi de su Soli chi si spraxiat in s'òtica de su sistema[4] e Plutone (insandus cunsiderau unu praneta) no est stètiu fotografau poita ca, po mori de sa pitichesa sua e sa stesiada de su Soli, iat essi bessiu tropu scuru[4][5].
Sa màgini cumpria parit fata a arrogus poita ca, po tenni su màssimu de is minudas, dònnia suta-màgini est stètia fata cun tempus de esposidura e filtrus diferentis; po esempru su Soli est stètiu fotografau impreendi su filtru prus scuru e su tempus de esposidura prus curtzu possìbili po no strupiai su sistema de achirimentu de is fotografias.[3]
Sa màgini est stètia pigada a agiumai 40,11 UA de sa terra, agiumai 32° asuba de su pranu de s'eclìtica[6].
Riferimentus[modìfica | modìfica su còdighe de orìgine]
- ↑ (EN) The Solar System Family Portrait, in The Planetary Society. URL consultadu su 21 martzu 2021.
- ↑ (IT) Gabriele Marini, Il Ritratto di Famiglia e il Pale Blue Dot [ligàmene interrùmpidu], in Coelum Astronomia, nº 217, 2017, p. 82.
- ↑ 3.0 3.1 (EN) Catalog Page for PIA00451, in photojournal.jpl.nasa.gov. URL consultadu su 21 martzu 2021.
- ↑ 4.0 4.1 (EN) Paolo Ulivi, Robotic exploration of the solar system, Springer, ©2007-, pp. 441-443, ISBN 978-0-387-73983-0, OCLC 314798455. URL consultadu su 21 martzu 2021.
- ↑ (EN) Voyager's Group Portrait, in Astrobiology Magazine, 16 freàrgiu 2010. URL consultadu su 21 martzu 2021 (archiviadu dae s'url originale su 21 santandria 2020).
- ↑ (EN) Voyager - 'Pale Blue Dot' Images Turn 25, in voyager.jpl.nasa.gov. URL consultadu su 21 martzu 2021.
Ligòngius esternus[modìfica | modìfica su còdighe de orìgine]
- (EN) NASA: Visible Earth, in visibleearth.nasa.gov. URL consultadu su 21 martzu 2021 (archiviadu dae s'url originale su 17 trìulas 2007).
- (EN) Planetary Society: Voyager's Last View, in planetary.org. URL consultadu su 21 martzu 2021 (archiviadu dae s'url originale su 25 maju 2007).
- (EN) NSSDC Photo Gallery: Solar System Family Portrait, in nssdc.gsfc.nasa.gov.