Rovigo

Dae Wikipedia, s'entziclopedia lìbera.
Jump to navigation Jump to search

Coordinatas: 45°04′N 11°47′E / 45.066667°N 11.783333°E45.066667; 11.783333

Ozieri-Stemma.png
Articulu in logudoresu
Ozieri-Stemma.png

Sa catedrale
Posidura in sa provìntzia

Rovigo  ([roˈviːɡo], Rovigo in vènetuRuig in dialetu ferraresu)est una comuna e cabitale provintziale italiana de 53.319 abitadores situada in su Bènetu.

Sa comuna de Robigu s'isterrit intre s'Àdize a su nordu e su Canalbianco a su suddu, cun sa dèroga de su trighinzu de Fenil del Turco, chi s'agatat intre su Canalbianco e s'iscoladorzu Zucca: est posta a unos 41 km. dae sa costera de su Mare Adriàtigu.

Su territòriu est istremamente parisincu e s'artària bàriat intre 5 e 8 metros in subra de su livellu de su mare. Est rugradu dae s'Adigetto e dae numerosos canales artifitziales chi servint siat pro sa bonifigadura idràuliga siat pro s'arrosiadura. Intre custos, su Ceresolo, su Rezzinella, su Valdentro, s'Adigetto, su Canalbianco, su Pontecchio e su Zucca marcant, in unos cantos arrogos, sas làcanas comunales; su coletadore padanu-polesanu rugrat su trighinzu de Fenil del Turco.

Su terrinu est meda saliosu e inditadu in particulare pro sa curtivadura de su trigu moriscu e de produtos ortencos de calidade. In su Canalbianco, s'abrit s'interportu de Robigu, chi est devènnidu operativu in su 1.998.

Sa comuna de Robigu faghet làcana (in su sentidu de sas fritzigheddas de su relozu): a su nordu cun sas comunas de Barbona, Vescovana, Boara, Pisani e Anguillara Veneta; a s'estu cun sas comunas de San Martino di Venezze, Villadose e Ceregnano; a su suddu cun sas comunas de Crespino, Pontecchio Polesine e Bosaro; a s'uestu cun sas comunas de Arquà, Polesine, Costa di Rovigo, Villanova del Ghebbo e Lusia. Cateogria:Tzitades de s'Italia