Sahara

Dae Wikipedia, s'entziclopedia lìbera.


Artìculu in LSC

Bista satellitare de su Sahara

Su Sahara (in àrabu الصحراء الكبرى, aṣ-Ṣaḥrāʾ e al-Kubrà, literalmente 'su Desertu Mannu') est unu desertu de tipu caente postu in su norte de s'Àfrica. Cun prus de 9 milliones de km², est su desertu non polare prus mannu de su mundu. Ocupat sa parte majore de Àfrica de su Norte e unu su 27% de su continente africanu, cosa chi ddu faghet mannu comente de s'Europa o de is Istados Unidos. Su Sàhara s'isterret dae su mare Ruju, includende partes de sas costeras mediterràneas, fintzas a s'Otzèanu Atlànticu. Cara a sud est allindadu dae su Sahel, unu territòriu costituidu de savanas semiàrrides postu in su nord de s'Àfrica sub-sahariana. In custu desertu sunt istados filmados infinidades de filmes e reportatges.

Is làcanas de su Sahara sunt s'Otzèanu Atlànticu in s'ovest, s'Atlante e su Mediterràneu a cara de su norte, su mare Ruju e Egitu cara a s'estu, e su Sahel in su sud. Su Sàhara si costumat a dividire in Sahara otzidentale, Montes de Ahaggar, Montes de su Tibesti, Montes de Aïr (una regione de montes e artos montigros de su desertu), su desertu de su Teneré e su desertu Líbicu (sa regione prus àrrida). Su puntu prus artu in su Sàhara est s'Emi Koussi, unu vulcanu de 3.415 metros postu in is montes de su Tibesti, in su norte de su Ciàd.