Silvio Moser

Dae Wikipedia, s'entziclopedia lìbera.
Jump to navigation Jump to search

Ozieri-Stemma.png
Articulu in logudoresu
Ozieri-Stemma.png

Retratu

Silvio Moser (Tzurigu, 24 abrile 1.941-Locarnu, 26 maju 1.974) est istadu unu pilotu automobilencu isvìtzeru.

Notas biogràfigas[modìfica | modìfica su còdighe de orìgine]

Nàschidu in Tzurigu, si fiat tramudadu zai dae sa pitzinnia a su Cantone Tessinu cun babos suos, cuncretamente a Vaglio, in ue babu suo aiat montadu una butega de antiguedades rùstigas. Zai a zòvanu zòvanu, Moser si fiat averadu particularmente interessadu a sa motorizadura e a sas curreras, a sas cales aiat cumintzadu a leare parte in pessu chi èsseret possìbile. Isse aiat aguarmente formadu parte de unu grupu de apentados chi si fiat creadu a inghìriu de Tommy Spichiger.

Zai s'istajone de 1964 fiat istada particularmente ditzosa pro sas bintòrias in sa Temporada Argentina e in su campionadu europeu de Fòrmula 3, ch'isse aiat terminadu in agualidade de puntos cun Jackie Stewart.

Moser fiat istadu su primu tessinesu chi aiat partetzipadu a su campionadu de Fòrmula 1, in sos annos dae su 1967 a su 1971.

Moser, paris cun Aldo Pessina e Pablo Foletti, aiat amaniadu in su 1967 sa prima edissione de Esposauto, un'isponidura de su setore de sas beturas de curreras e seriales, chi aiat tentu logu in Luganu onzi duos annos finas a su 1997. A pustis de sa morte sua, li fiat intradu in parte Clay Regazzoni.

Silvio Moser fiat mortu in Locarnu in su 1974, unu mese a pustis de un'intzidente grae chi li fiat acontèssidu in sa 1.000 km. de Monza. S'automòbile sua nche fiat essida dae sa currera iscudende a cosa de un'àtera betura chi fiat essida a sua bia unas cantas furriadas in antis, sena chi sos cummessàrios de porfia s'ocuparent de l'evacuare. Pro neghe de s'intzidente, Moser fiat intradu a coma e fiat obitadu sena releare cunnoschimentu mai.

Moser, in prus de custu, aiat azuadu a Clay Regazzoni s'amigu suo a intrare a su mundu de sas curreras.