Tòmbola

Articulu in logudoresu

Sa tòmbola est unu zogu de mesa tradissionale nàschidu in sa tzitade de Nàpule in su de 18 sègulos, comente arternativa domulana a su zogu de su loto e acumpanzadu fitianu dae unu sistema de assotziadura intre nùmeros e sinnìfigos, a s'avesu umoristas (S'Inzestru).

Cunforme a sa tradissione, sa tòmbola diat esser nàschida in su 1734 dae unu discussura intre su re Càralu de Borbone e padre Gregorio Maria Rocco in contu de su zogu de su loto, chi su primu cheriat suta de cuntrollu pùbrigu, pro evitare ch'in fatu de sa suprimidura sua s'ispainaret su loto illìtzitu, e chi su segundu cussideraiat immorale pro motivos reliziosos. Unu cumpromissu fiat istadu agatadu proibende su zogu in tempus de sas festas pascunadalencas, in su barigare de sas cales sas famìlias si fiant organizadas cun custa bersione dae domo, chi si fiat fata luego una custumàntzia de cussa dies de s'annu.

Règulas de su zogu

Echibaledore in s'issèntzia a su zogu de ispainadura internassionale cunnotu comente bingo, sa tòmbola est tennigamente unu zogu de bonaura, peri ca sos partetzipadores devent abonare una summa de dinare chi a pustis est repartzida comente prèmiu a sos binchidores. Sende gasi, sa tòmbola italiana est zogada normarmente in unu cuntestu familiale (est unu zogu tradissionale pascunadalencu) e sas summas chi s'ingazant e si binchint tenent aversamente balores meramente simbòligos, cando est chi non s'issèberet foras male de impreare prèmios de àtera zenia.