Tziclu frigorìferu
Unu tziclu frigorìferu est unu tziclu termodinàmicu capassu de bortare calore dae un'ambiente a temperadura minore a unu a temperadura majore.
Sa màchina chi acumprit unu tziclu frigorìferu podet èssere interpretada, e impreada:
- comente a màchina frigorifera, cun sa fine de sutràere calore de un'ambiente fritu tramudande·lu a unu caente, fritende·lu, respetu a sas suas cunditzionet naturales, (custu efetu est tando impreadu in sos frigorìferos e in sos cunditzionadores de àera).
- comente a pompa de calore su cale fine est frunire calore a un'ambiente caente, prelevende·lu dae un'ambiente prus fritu.
In totarduos, bisòngiat dare unu traballu pro fàghere funtzionare su tziclu, sutràere calore de su puntu caente de su tziclu (efetu ùtile de sa màchina funtzionante comente a pompa de calore, custu calore est sa summa de su calore rimòvidu dae su puntu prus fritu de su tziclu e su traballu erogadu) e surbire calore de su puntu prus fritu (efetu ùtile de sa màchina funzionante comente a frigorìferu).