Valeria Marini
Valeria Virginia Laura Marini (Roma, 14 de maju de 1.967) est un'atora, pisedda ispetàgulu e modista italiana cun orìzines sardas (mama sua est naturale de Casteddu).
Nch'at sizidu s'èsitu a cumintzos de sos annos noranta de su sègulu coladu gràssias a sa partetzipadura sua comente prima fèmina a diferentes ispetàgulos de su “Bagazitu”, abarrende-bi pro istajones mùrtipras e torrende-bi in su barigare de sos annos posteriores, a pustis de s'afirmadura comente atora in diferentes ispetàculos teatrales e pellìgulas de tzine e tele.
In tempus de sa carrera sua, at finas traballadu de presentadora telebisenca de paritzos programmas de bariedade, comente “Brullas a bandas” e “Sos acotzados”, cando chi dae su 2.005, a sa parallela cun s'atividade telebisenca e tzinematogràfiga, isvilupat finas una carrera in calidade de modista.
Cussiderada unu sìmbulu sessuale de sos annos noranta de su sègulu coladu e de sa prima dègada de su sègulu in protzessu, gràssias finas a sas formas suas sensuales, at realizadu calendàrios bariados e s'est pobularizada finas in sas rebistas de cròniga in colore de rosa, in particulare pro s'acapiadura sua sentimentale cun Vittorio Cecchi Gori.