Alfabetu
Articulu in LSC
S'alfabetu est unu sistema de iscritura in ue sos sinnos gràficos (grafemas) rapresentant sos sonos de sas limbas. A segunda de su sistema, unu grafema podet rapresentare unu sonu solu, prus sonos o puru podet èssere unu sonu a èssere iscritu chin prus grafemas.
Sa paràula alfabetu benit dae s'unione de sos nùmenes de sas primas duas lìteras gregas, Alpha e Beta.
Alfabetu sardu [acontza]
S'alfabetu sardu est cumpostu dae 22 lìteras de s'alfabetu latinu:
A B C D E F G H I J L M N O P R S T U V X Z
B'at de cunsiderare chi sa X est impreada solu in sos limbàgios meridionales, tando sa lìteras ant a èssere 21 in s'alfabetu logudoresu-nugoresu e in sa Limba Sarda Comuna. In prus pro marcare sa diferèntzia intre sa zeta surda e sa sonora, in sardu, si usat su digramma TZ.
Áteras propostas pro su sardu [acontza]
Intre sa grafias non reconnotas a manera ufitziale, sa de importu prus mannu est sa Grafia Sarda Autònoma istudiada dae Antoni Lèpori. Sa GSA impreat fintzas sa lìteras Ç (ci truncada), K (capa) e Y (ìpsilon/i grega).
