Fabrizio De André

Dae Wikipedia, s'entziclopedia lìbera.

Fabrizio Cristiano De André (Gènova, 18 de frealzu 1940 – Milanu, 11 de ennalzu 1999) est istadu unu poete e cantautore italianu.

In sas operas suas at sempre cantadu istòrias de pòvera zente, de emarginados, ma at finas sempre ironizadu subra sos potentes. At finas faeddadu de sa vida sua sempre abertamente e cun coraggiu. Sas peraulas de sas cantones suas sunu cunsideradas poesias difatis medas sunu in sas antologias de sas iscolas italianas.

In barant'annos de carriera at realizadu bindighi album; comente numeru non sunu meda ma comente e calidade sunu prendas.

Est istadu un autore chi est resessidu a imperare sas limbas populares comente su genovesu ma finas su galluresu e su napulitanu.

In sas cantones si fit ispiradu a diversos poetas comente Jacques Prévert, a s'Antologia de Spoon River de Edgar Lee Masters (traduida in italianu dae Fernanda Pivano e a ateros cantautores comente Georges Brassens, Bob Dylan e Leonard Cohen de sos cales aiat finas tradottu calchi cantone in italianu.