Nuraghe

Dae Wikipedia, s'entziclopedia lìbera.
Bae a: navigadura, chirca

Ozieri-Stemma.png
Articulu in logudoresu
Ozieri-Stemma.png

Nuraghe Succuronis

Sos nuraghes o runaghes (in logudoresu, in campidanesu si naran nuraxis) suni fraigos de fromma conica fattos de pedra, chi s'agatana petzi in sa Sardigna, de unu fonte prestu de 8000 (ma medas sun istados dirrutos, massimu in su periodu de dominatzione piemontesa, e s'agatan solu istigas de sos fundamentos). Sos prus mannos e imponnentese furent costruidos appresu de su 1500 a.c. e poden tennère un altesa fincas a 19m - ma est casi tzertu ca de printzipiu furente calincunu metros prus mannos.

Sos Nuraghes curripondene a una tipologia costruttiva, ma b'ind'hat de divescias frommas e mesuras, a segunda de s'impleu chi si nde faghiat. Difattis b'hat nuraghes monoturre, bilobados, cumplessos cun tre turres o battoro, cun bastiones, bind'hat de tipu allongadu, ellissoidales, e gai sighinde.

Sunt istrutturas chi calchi istoricu narat "megalitica", fattaz cun roccas e pedras mannas chi fintas oe no ischimus cun cale tecnica pretzisa che las alciaìant fintas a su cuccuru de su fraigu. S'istruttura printzipale est pretzisa in dogni nuraghe: sun torres (fintas pius de una) cun bovida a falsa cupola, cheret narrère chi intro sa bovida ada una fromma de cupola, chi però no si podet biere dae fora. Sa fromma esterna este a truncu de cono e si pensat chi in sos nuraghes pius mannos gighiant a subra una terrazza pro sa vedetta chi s'acceraìat cun un'ispessia de ispassizzu de mesu metro 'onu a fora de su corpus de sa torre, mentre soso pius minores gighiant solu sa terrazza chi restaìat in d'unu perimetru currispundente a cussu de sa torre.

Sa bovida de intro no fit una cupola comente la podimus pensare oe, cun d'un'arcu a tottu sestu, ma fit de una fromma particulare: este infatti a sestu acutu e sas forzas de su pesu de sas pedras no sunt isgarrigadas a terra cun particulares cuntraffortes o istutturas gasi, ma faghent un'istruttura chi podimus pensare guasi chi si rezzat rizza a sa sola: sunt difattis tantos aneddos de pedra unu subra a s'atteru e onzi aneddu no ruet a intro gratzie a sas fortzas chi si faghet isse matessi: sas pedra no sunt proriu de fromma regulare, ma las devimus pensare unu pagu comente una pezza de casu segada a raggera e chena tzentru: sas forzas chi che tirant sas pedras a giosso e a centru sunt cumpensadas dai sas fortzas laterlaes de sas chi li sunt attaccadas. este custa particulare istruttura chi at permissu a sos nuraghes de arrivire gasi 'ene cunservados fintas a sos tempos nostros e chi ancora oe nos faghent restare a bucca abbelta.

No s'ischit ancora (mancari che sient colados guasi 3500 annos dae tando) a d'itte bisonzaìant: b'ada chie narat chi fint istrutturas de difesa, chie narat chi fint comasinos pro su trigu e su mandigu, chie narat chi fint sos casteddos 'ue istaìant sos re. Sa tesi chi paret pius giusta fintas a como este cussa chi sos pius mannos faghiant de palattu reale e de casteddu pro sa difesa, mentre sos pius minores chi sunt fraigados a manera de los poder viere dai su nuraghe accultzu fint impittados comente istrumentu de avvistamentu de sos inimigos.


S'etimologia de sa paràula est intzerta ma, sa prus segura est dae nurra ca cherìat narrere "muntone de pedras". Totus sos nuraghes jughent una enna ca est semper orientada a sa matessi diretzione, ca meda otras este a sud/oeste. In origine fiant fattos po si cche abbadiare unu cun àteros tres, commente de agiudu contra sos enemigos.