A Viva Voce
Articulu in logudoresu
A Viva Voce est, a como, s'unicu paperi pubricàdu in limba italiana chi bi apat in isula de Còssiga. S'imprenta fit cumintzàda a primu in sa bidda corsicana de Ghisunaccia e a pustis in sa de Borgu; peròe, si pubricat in sa tzittade de Bastìa dae su mese de Santu Gabine de su 1992. Tottu sa redatzione cumprendet zente corsicana in sinu suo. Su paperi, chi nch'essit dontzi tres meses, tenet sa punna de accurtziare sa Còssiga a su continente italianu e si ponet a chistionare de su legamìne, istoricu e politicu, chi s'isula tenet cun s'Italia. Su dirigidore chi bi est como est Paul Colombani, chi ja fit unu amantiosu de limba e curtura italiana in s'Universidade de Nantes.