Anela

Dae Wikipedia, s'entziclopedia lìbera.

Coordinadas: 40°26′40″N 9°03′29″E / 40.444444°N 9.058056°E40.444444; 9.058056


Anela est una bidda de 817 abitantes, chi si narant anelesos. Faghet parte de sa provìntzia de Tàtari. Anela s'agatat in su Goceanu a sos pees de Masiennera e Masiedda, sos montes prus altos de su territòriu sou carculadu in 36,96 km².

Istoria[modìfica | modìfica su còdighe de orìgine]

Meda istoricos narant chi Anela est sa bidda prus antiga de su Goceanu, sende istata fata dae sos romanos chi bi aferrein una truma de zente pro la colonizare in su perìodu de Silla. Sende·si irrichida meda, in su tempus de sos Zudicatos Anela fiat sede de sa Curatoria de su Goceanu, pro paritzos sèculos.

Però a poi de una grave pestilèntzia su còmpitu est passadu a Bono e-i sa bidda at connòschidu tempos malos. Infatis a poi de s'isconfita de su marchese de Oristani Anela est istada finas a su 1839 unu fèudu rezu.