Atìliu Cubeddu

Dae Wikipedia, s'entziclopedia lìbera.
Jump to navigation Jump to search

Ozieri-Stemma.png
Articulu in logudoresu
Ozieri-Stemma.png

Atìliu Cubeddu (Àrthana, 2 de martzu de 1947 - ?) est unu criminosu sardu, chi aiat formadu parte de s’Anònima Sarda.

Zai dae cando fiat zòvanu a beru, fiat cunnotu a sas fortzas de seguràntzia pro sos antetzedentes penales suos numerosos, aiat leadu parte a sos sechestros de Rangoni Machiavelli e Bauer in s’Emìlia-Romanna, ambos zutos a cumprimentu in su 1.983, e a su sechestru de Peruzzi, realizadu in Tuscana in su 1.981, e fiat intradu a sa tupa. Pustis detènnidu in su 1.984 in Riccione, fiat istadu cundennadu a 30 annos de presonia. In sa presone si fiat cumportadu de internu modellu, resessende a lograre numerosas lissèntzias de mèritu; in tempus de una de sas lissèntzias naradas, chi l’aiant cuntzèdidu in su ghennarzu de su 1997 cun ghirada prebida pro su 7 de frearzu, belle gasi non fiat torradu a sa presone nugoresa de Badu de Carros e fiat intradu a su bandidonzu, abarrende imboligadu in su sechestru de Giuseppe Soffiantini (fiat istadu su tentadore de s’ostazu) e in su mortorzu de su polimesu de sos Uocs Samuele Donatoni, delitos pro sos cales fiat istadu cundennadu a 30 annos e a sa perpetuada respetivamente. Fiat istadu artamente suspetadu (mancari non l’apant incausadu mai in manera formale) finas pro su sechestru de Sìrvia Melis, recatada in Tortuelie in su 1997.

A como, figurat in sa lista de sos bandidadores prus perigulosos de Itàlia, finas si non s’iscruet chi podat esser mortu, forsis ochìdu dae Zuanne Farina, unu sodale suo, pro no dever partzire su dinare de sa luissione pro su sechestru de Soffiantini.

Dae su 1998 in susu, est buscadu internassionarmente. Domenico Fiordalisi pensat chi siat galu in bida, tentu in amparu dae amigos e familia sua.