Battalla de Ponte Novu
Articulu in nugoresu
| « Qui casconu u 9 maghju 1769 e milizie di Pasquale de Paoli luttendu per a libertà di a patria » | |
(Iscrittùra de lòsa in Ponte Novu, localidàde de Castellu di Rustinu)
|
Sa battalla de Ponte Novu (in còssu battaglia di Ponte Novu e in frantzesu bataille de Ponte Novu) est una pelèa chi si at gherràu in dùas dìes, dae s'8 a su 9 de màju de su 1769, tra sos indipendentistas de sa Repùbrica Corsicana paolìna e sos mertzenàrios prussianos a un'ala, e a s'àttera sas armadas de su re frantzèsu Luìsu de XV, chi sos granadèris frantzesos aìant ghiau pro s'istrada de Còrte (su capu de locu de sa natzione corsicana de tando). Custa battalla, chi bìet sa definitìva bìnchida de sos ùrtimos, ponet accàbbu a sa ghèrra tra sos frantzesos e sos indipendentistas corsicanos: difàttis, su 13 de làmpadas de su 1769 Pascàle Paoli tuccàbat dae Portivèchju (còmmo Porto Vecchio) in Gran Bretagna. S'indipendèntzia de s'ìsula fit oramài accabbàda de manèra uffitziàle.
Su ponte fit derrùtu in sa secùnda gherra mundiale, ma s'ammèntu de sa battàlla est gàlu presènte mèda in sos corsicanos, mascamènte cussos natzionalistas, chi la bìent comènte un'òpera de resistèntzia eròica.