Brunzittu nuragicu

Dae Wikipedia, s'entziclopedia lìbera.
(Reindiritzadu dae Brunzittu nuraghesu)
Jump to navigation Jump to search

Nùgoro-Istemma.png
Articulu in nugoresu
Nùgoro-Istemma.png

Su brunzìttu nuraghèsu, nuraxèsu o nuràgicu est una iscultura bronzea, tipica de sa Sardigna a s'acabbu de s'edade de Brunzu e a su cumintzu de cussa de su Ferru. Sos istudiodos non sunt galu resessios a nàrrer una data pro custas istatuas minores: si credet chi las apant fattas dae su seculu de IX a.C. a cussu de VI a.C., mancàri calicunu canticheddu de Arrolli, de su seculu de XIII a.C., apat torràu a apèrrer sa chistione.

Locos de acattu[modìfica | modìfica su còdighe de orìgine]

Brunzittu sardu - Casteddu, Museu Archeologicu Natzionale

In sos iscavos nde ant atzappàu prus de 500, mescamente in locos comente sos puttos sacros e sos gòi naràos megara nuraghesos, in sas biddas e in sos nuraches etottu.

Medas istatuas si ant iscopertu fìntzas in Italia tzentrale, pro esser puntillosos in calicuna tumba etrusca de su seculu de IX-VIII a.C.

Tecnica[modìfica | modìfica su còdighe de orìgine]

Fattos a chera pèrdia, sos brunzittos lòmpent fìntzas a 39 chentìmetros e ammùstrant tottu cosas de sa bida de cada die, fachende a bìer zente de classe sotziale diferente, animales, pessones a capu de sa tribù, gherreris, deos e pèri ozettos comente armas, testos e carros. Est a ammentare chi paritzas sunt sas naveddas nuraghesas, chi sunt su numeru prus mannu de isculturas istoricas a fundu marinu e, in prus, non fartant de ammustrare cantu sos sardos anticos fint tando marineris e amicos de su mare.

In sas paritzas isculturas, sicundu a calicunu istudiosu, si podent distingher tres modas:

  • cussa mediterranea;
  • cussa Uta;
  • cussa Abini-Teti.

Galu non si connoschet si custas modas apant vìviu a pare o sunt sichìas s'una in fattu de s'attera chin su tempus.

Museos printzipales[modìfica | modìfica su còdighe de orìgine]

Sas regortas prus bellas si podent pompiare in su Museu Archeologicu Natzionale de Casteddu, in Tàtari, Nugoro e Aristanis, in prus de sos museos ispartos péri sas biddas in ube si podent ammirare sos printzipales zassos archeolozicos de tottu s'isula.

Ateras boches[modìfica | modìfica su còdighe de orìgine]